-ਫਿਰੋਜ਼ਪੁਰ ਦੇ ਪਿੰਡ ਬੇਗੂ ਮਾਂਹੂ ਵਿੱਚ ਸੇਮ ਦੇ ਕਾਰਨ ਪੂਰੇ ਪਿੰਡ ਦਾ ਆਪਸ ਵਿੱਚ ਟੁੱਟਿਆ ਸਪੰਰਕ
- 114 Views
- kakkar.news
- October 7, 2022
- Agriculture Punjab
-ਫਿਰੋਜ਼ਪੁਰ ਦੇ ਪਿੰਡ ਬੇਗੂ ਮਾਂਹੂ ਵਿੱਚ ਸੇਮ ਦੇ ਕਾਰਨ ਪੂਰੇ ਪਿੰਡ ਦਾ ਆਪਸ ਵਿੱਚ ਟੁੱਟਿਆ ਸਪੰਰਕ
-ਰੇਲਵੇ ਅੰਡਰਬ੍ਰਿਜ ਵਿੱਚ ਭਰਿਆ ਪਾਣੀ ਆਉਣ ਜਾਣ ਲਈ ਲੋਕਾਂ ਨੂੰ ਹੋਣਾ ਪੈ ਰਿਹਾ ਪ੍ਰੇਸ਼ਾਨ
-ਜ਼ਮੀਨ ਹੇਠਾ ਤੋਂ ਆ ਰਿਹਾ ਹੈ ਪਾਣੀ ਲੋਕਾ ਲਈ ਬਣਿਆ ਮੁਸੀਬਤ
ਫਿਰੋਜਪੁਰ 7 ਅਕਤੂਬਰ 2022 (ਸਿਟੀਜ਼ਨਜ਼ ਵੋਇਸ)
ਫਿਰੋਜ਼ਪੁਰ ਦੇ ਪਿੰਡ ਬੇਗੂ ਮਾਂਹੂ ਵਿੱਚ ਲੋਕਾਂ ਦੀ ਸੁਵਿਧਾ ਲਈ ਬਣਿਆ ਅੰਡਰਬ੍ਰਿਜ ਲੋਕਾਂ ਲਈ ਵੱਡੀ ਮੁਸੀਬਤ ਬਣ ਚੁੱਕਿਆ ਹੈ। ਜਿਥੇ ਸੇਮ ਦਾ ਪਾਣੀ ਇਕੱਠਾ ਹੋਣ ਕਾਰਨ ਪੂਰੇ ਪਿੰਡ ਦਾ ਆਪਸ ਵਿੱਚ ਸਪੰਰਕ ਟੁੱਟ ਚੁੱਕਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਕਿਸਾਨ ਆਗੂ ਗੁਰਮੀਤ ਸਿੰਘ ਘੋੜੇ ਚੱਕ ਅਤੇ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਉਹ ਪਿਛਲੇ ਲੰਮੇ ਸਮੇਂ ਤੋਂ ਇਸ ਰੇਲਵੇ ਅੰਡਰਬ੍ਰਿਜ ਤੋਂ ਪ੍ਰੇਸ਼ਾਨ ਹਨ। ਕਿਉਂਕਿ ਜਦ ਬਰਸਾਤ ਆਉਂਦੀ ਹੈ। ਤਾਂ ਇਥੇ ਪਾਣੀ ਇਕੱਠਾ ਹੋ ਜਾਂਦਾ ਜਿਸਨੂੰ ਤਾਂ ਉਹ ਮੋਟਰਾਂ ਲਗਾ ਕੇ ਕੱਢ ਲੈਂਦੇ ਹਨ। ਪਰ ਹੁਣ ਉਨ੍ਹਾਂ ਲਈ ਵੱਡੀ ਮੁਸੀਬਤ ਸੇਮ ਬਣੀ ਹੋਈ ਹੈ। ਕਿਉਂਕਿ ਧਰਤੀ ਹੇਠੋਂ ਨਿਕਲ ਰਿਹਾ ਸੇਮ ਦਾ ਪਾਣੀ ਅੰਡਰਬ੍ਰਿਜ ਵਿੱਚ ਇਕੱਠਾ ਹੋ ਚੁੱਕਿਆ ਹੈ। ਜਿਸ ਨਾਲ ਲੋਕਾਂ ਦਾ ਆਉਣਾ ਜਾਣਾ ਮੁਸ਼ਕਿਲ ਹੋਇਆ ਪਿਆ ਹੈ। ਬੱਚਿਆਂ ਨੂੰ ਸਕੂਲ ਜਾਣ ਲਈ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਿਸ ਸਬੰਧੀ ਉਹ ਕਈ ਵਾਰ ਪ੍ਰਸਾਸਨ ਨੂੰ ਮੰਗ ਪੱਤਰ ਦੇ ਚੁੱਕੇ ਹਨ। ਪਰ ਪ੍ਰਸਾਸਨ ਇਸ ਵੱਲ ਕੋਈ ਧਿਆਨ ਨਹੀਂ ਦੇ ਰਿਹਾ। ਇਸ ਮੌਕੇ ਕਿਸਾਨ ਯੂਨੀਅਨ ਦੇ ਆਗੂਆਂ ਨੇ ਪ੍ਰਸਾਸਨ ਨੂੰ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਅਗਰ ਪ੍ਰਸਾਸਨ ਜਲਦ ਇਸ ਵੱਲ ਧਿਆਨ ਨਾ ਦਿੱਤਾ ਤਾਂ ਉਹ ਅਣਮਿੱਥੇ ਸਮੇਂ ਲਈ ਰੇਲਵੇ ਟਰੈਕ ਤੇ ਧਰਨਾ ਲਗਾ ਰੇਲਵੇ ਟਰੈਕ ਜਾਂਮ ਕਰਨਗੇ।