ਮੋਗਾ: ਪਿੰਡ ਵਾਸੀਆਂ ਨੇ ਪੁਲਿਸ ਨੂੰ ਗੱਡੀ ਨੂੰ ਘੇਰਿਆ, ਚੋਰ ਨੂੰ ਭਜਾਉਣ ਦਾ ਲਗਾਇਆ ਦੋਸ਼

ਮੋਗਾ: ਪਿੰਡ ਵਾਸੀਆਂ ਨੇ ਪੁਲਿਸ ਨੂੰ ਗੱਡੀ ਨੂੰ ਘੇਰਿਆ, ਚੋਰ ਨੂੰ ਭਜਾਉਣ ਦਾ ਲਗਾਇਆ ਦੋਸ਼

ਮੋਗਾ 15 ਅਕਤੂਬਰ 2022 (ਸਿਟੀਜ਼ਨਜ਼ ਵੋਇਸ)

ਮੋਗਾ ਦੇ ਇਕ ਪਿੰਡ ਵਿਚ ਸ਼ੁੱਕਰਵਾਰ ਦੀ ਲੰਘੀ ਦੇਰ ਰਾਤ ਸਥਿਤੀ ਉਸ ਵਕਤ ਤਣਾਅਪੂਰਨ ਬਣ ਗਈ ਜਦੋਂ ਪਿੰਡ ਵਾਸੀਆਂ ਨੇ ਪੁਲਿਸ ਦੀ ਗੱਡੀ ਦੀ ਘੇਰਬੰਦੀ ਕਰਕੇ ਜ਼ੋਰਦਾਰ ਨਾਅਰਬੇਜ਼ੀ ਸ਼ੁਰੂ ਕਰ ਦਿੱਤੀਇਹ ਮਾਮਲਾ ਮੋਗਾ ਦੇ ਇਕ ਚਰਚਿਤ ਪਿੰਡ ਦਾ ਹੈ। ਇਕੱਤਰ ਕੀਤੇ ਵੇਰਵਿਆਂ ਤੋਂ ਪਤਾ ਲੱਗਾ ਹੈ ਕਿ ਪਿੰਡ ਵਿਚ ਹੋ ਰਹੀਆਂ ਚੋਰੀਆਂ ਤੋਂ ਪਿੰਡ ਵਾਸੀਆਂ ਨੇ ਪੁਲਿਸ ਦੇ ਕਹਿਣ ‘ਤੇ ਹੀ ਆਪਣੇ ਪੱਧਰ ‘ਤੇਪਿੰਡ ਵਿਚ ਠੀਕਰੀ ਪਹਿਰਾ ਲਾਉਣਾ ਸ਼ੁਰੂ ਕਰ ਦਿੱਤਾ।ਪਹਿਲੀ ਰਾਤ ਹੀ ਪਿੰਡ ਵਾਸੀਆਂ ਨੇ ਚੋਰ ਨੂੰ ਮੌਕੇ ਦਬੋਚ ਲਿਆ ਤੇ ਉਹ ਚੋਰ ਵੀ ਇਸੇ ਪਿੰਡ ਦਾ ਨਿਕਲਿਆ। ਪਿੰਡ ਵਾਸੀਆਂ ਨੇ ਸਬੰਧਿਤ ਥਾਣੇ ਦੀ ਪੁਲਿਸ ਨੂੰ ਜਿਉਂ ਹੀ ਸੂਚਨਾ ਦਿੱਤੀ ਤਾਂ ਐੱਸ. ਐੱਚ. ਓ. ਪੁਲਿਸ ਪਾਰਟੀ ਮੌਕੇ ‘ਤੇ ਪਹੁੰਚੇ ਪਰ ਉਸ ਵਕਤ ਰੌਲਾ ਪੈ ਗਿਆ ਜਦੋਂ ਪਿੰਡ ਵਾਸੀਆਂ ਵਲੋਂ ਫੜਿਆ ਜੋਰ ਪੁਲਿਸ ਦੀ ਪਕੜ ‘ਚੋਂ ਫਰਾਰ ਹੋ ਗਿਆ। ਰੋਹ ‘ਚ ਆਏ ਪਿੰਡ ਵਾਸੀਆਂ ਨੇ ਪੁਲਿਸ ਦੀ ਗੱਡੀ ਦੀ ਘੇਰਾਬੰਦੀ ਕਰ ਲਈ ਤੇ ਪੁਲਿਸ ਨੂੰ ਬੰਦੀ ਬਣਾ ਲਿਆ ਤੇ ਪ੍ਰਸ਼ਾਸਨ ਖਿਲਾਫ਼ ਨਾਅਰੇਬਾਜ਼ੀ ਸ਼ੁਰੂ ਕਰਦਿਆਂ ਪੁਲਿਸ ‘ਤੇ ਫੜੇ ਚੋਰ ਭਜਾਉਣ ਤੇ ਚੋਰ ਨਾਲ ਮਿਲੇ ਹੋਣ ਦੇ ਦੋਸ਼ ਮੜਨੇ ਸ਼ੁਰੂ ਕਰ ਦਿੱਤੇ।