ਟਰੱਕ ਬੇਕਾਬੂ ਹੋਣ ਕਰਕੇ ਸਫੈਦੇ ਦੇ ਦਰੱਖਤ ਨਾਲ ਜਾ ਟਕਰਾਇਆ, ਚਾਲਕ ਜਖ਼ਮੀ

ਟਰੱਕ ਬੇਕਾਬੂ ਹੋਣ ਕਰਕੇ ਸਫੈਦੇ ਦੇ ਦਰੱਖਤ ਨਾਲ ਜਾ ਟਕਰਾਇਆ, ਚਾਲਕ ਜਖ਼ਮੀ

ਸ੍ਰੀ ਮੁਕਤਸਰ ਸਾਹਿਬ 31 ਅਕਤੂਬਰ 2022 (ਸਿਟੀਜ਼ਨਜ਼ ਵੋਇਸ)

ਸ੍ਰੀ ਮੁਕਤਸਰ ਸਾਹਿਬ ਪਿੰਡ ਚੱਕ ਦੂਹੇਵਾਲਾ ਅਤੇ ਮਹਰਾਜਵਾਲਾ ਦਰਮਿਆਨ ਐਤਵਾਰ ਨੂੰ ਟਰੱਕ ਬੇਕਾਬੂ ਹੋਣ ਕਰਕੇ ਸਫੈਦੇ ਦੇ ਦਰੱਖਤ ਨਾਲ ਜਾ ਟਕਰਾਇਆ। ਹਾਦਸੇ ਦੌਰਾਨ ਟਰੱਕ ਚਾਲਕ ਜਖਮੀ ਹੋ ਗਿਆ। ਜਾਣਕਾਰੀ ਅਨੁਸਾਰ ਰਾਮਪਾਲ ਪੁੱਤਰ ਸਰਬਨ ਕੁਮਾਰ ਵਾਸੀ ਬੀਕਾਨੇਰ ਮੁਕਤਸਰ ਤੋਂ ਆਲੂਆਂ ਨਾਲ ਭਰਿਆ ਟਰੱਕ ਲੈ ਕੇ ਮਲੋਟ ਵੱਲ ਜਾ ਰਿਹਾ ਸੀ ਕਿ ਪਿੰਡ ਚੱਕ ਦੂਹੇਵਾਲਾ ਅਤੇ ਮਹਰਾਜ ਵਾਲਾ ਦੇ ਦਰਮਿਆਨ ਸੜਕ ਤੇ ਪਏ ਟੋਏ ਕਰਕੇ ਬਚਾਅ ਕਰਦਿਆਂ ਉਸਦਾ ਟਰੱਕ ਬੇਕਾਬੂ ਹੋ ਕੇ ਸਫੈਦੇ ਦੇ ਦਰੱਖਤ ‘ਚ ਜਾ ਵੱਜਿਆ।ਜਿਸ ਕਾਰਨ ਉਹ ਜਖਮੀ ਹੋ ਗਿਆ। ਰਾਹਗੀਰਾਂ ਨੇ ਹਾਦਸੇ ਦੀ ਸੂਚਨਾ ਰੁਪਾਣਾ ਜਨ ਸਹਾਰਾ ਕਲੱਬ ਦੇ ਮੈਂਬਰਾਂ ਨੂੰ ਦਿੱਤੀ। ਜਿਸਤੇ ਰੁਪਾਣਾ ਜਨ ਸਹਾਰਾ ਕਲੱਬ ਦੇ ਰਾਜਾ ਸ਼ਰਮਾ ਨੇ ਉਸਨੂੰ ਸਿਵਲ ਹਸਪਤਾਲ ਪਹੁੰਚਾਇਆ। ਟਰੱਕ ਚਾਲਕ ਦੇ ਲੱਤ ‘ਤੇ ਸੱਟ ਲੱਗੀ ਹੈ।