ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ ਸਰਚ ਅਭਿਆਨ ਤਹਿਤ ਮਿਲੇ 10 ਮੋਬਾਇਲ ਅਤੇ ਹੋਰ ਸਾਮਾਨ
ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ ਸਰਚ ਅਭਿਆਨ ਤਹਿਤ ਮਿਲੇ 10 ਮੋਬਾਇਲ ਅਤੇ ਹੋਰ ਸਾਮਾਨ
ਫਿਰੋਜ਼ਪੁਰ 6 ਨਵੰਬਰ 2023 (ਸਿਟੀਜ਼ਨਜ਼ ਵੋਇਸ)
ਫਿਰੋਜ਼ਪੁਰ ਦਾ ਕੇਂਦਰੀ ਜੇਲ ਹਰ ਵਾਰ ਸੁਰਖੀਆਂ ਚ ਰਹਿੰਦਾ ਹੈ। ਕੇਂਦਰੀ ਜੇਲ ਚੋ ਮੋਬਾਇਲਾ ਦਾ ਮਿਲਣਾ ਜਾ ਫਿਰ ਨਸ਼ੇ ਦਾ ਮਿਲਣਾ ਆਮ ਗੱਲ ਹੈ ! ਕਈ ਸ਼ਰਾਰਤੀ ਅਨਸਰ ਮੋਬਾਇਲਾ ਨੂੰ ਜਾ ਨਸ਼ੀਲੇ ਪਦਾਰਥਾਂ ਨੂੰ ਪੈਕਟ ਚ ਲਪੇਟ ਕੇ ਜਾਂ ਗੇਂਦ ਦੇ ਰੂਪ ਚ ਜੇਲ ਅੰਦਰ ਸੁੱਟ ਰਹੇ ਹਨ । ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਸੁਖਜਿੰਦਰ ਸਿੰਘ ਅਤੇ ਰਿਸ਼ਵ ਪਾਲ ਗੋਇਲ ਵੱਲੋਂ ਫਿਰੋਜ਼ਪੁਰ ਦੀ ਕੇਂਦਰੀ ਜੇਲ੍ਹ ਵਿੱਚ ਇੱਕ ਵਾਰ ਫਿਰ ਵੱਡਾ ਸਰਚ ਅਭਿਆਨ ਚਲਾਇਆ ਗਿਆ ਅਤੇ ਇਸ ਤਲਾਸ਼ੀ ਅਭਿਆਨ ਦੌਰਾਨ ਜੇਲ੍ਹ ਵਿੱਚੋਂ 10 ਮੋਬਾਈਲ ਫੋਨ ਅਤੇ ਇੱਕ ਚਾਰਜਰ ਬਰਾਮਦ ਕੀਤਾ ਗਿਆ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਫਿਰੋਜ਼ਪੁਰ ਦੇ ਏ.ਐੱਸ.ਆਈ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਸੁਖਜਿੰਦਰ ਸਿੰਘ ਅਤੇ ਰਿਸ਼ਵ ਪਾਲ ਗੋਇਲ ਵੱਲੋਂ ਥਾਣਾ ਸਿਟੀ ਫਿਰੋਜਪੁਰ ਨੂੰ ਭੇਜੇ ਲਿਖਤੀ ਪੱਤਰਾਂ ਵਿੱਚ ਦੱਸਿਆ ਗਿਆ ਹੈ ਕਿ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਜਦੋਂ ਉਨਾਂ ਨੇ ਜੇਲ੍ਹ ਦੀ ਤਲਾਸ਼ੀ ਲਈ ਤਾਂ ਹਵਾਲਾਤੀਆਂ ਤੇ ਲਾਵਾਰਿਸ ਹਾਲਤ ਵਿੱਚ ਵੀਵੋ ਟੱਚ ਸਕ੍ਰੀਨ, ਨੋਕੀਆ ਕੀਪੈਡ, ਸੈਮਸੰਗ ਕੀਪੈਡ ਮੋਬਾਈਲ ਫ਼ੋਨ ਅਤੇ ਇੱਕ ਚਾਰਜਰ ਬਰਾਮਦ ਹੋਏ। ਉਨਾਂ ਦੱਸਿਆ ਕਿ ਕਈ ਮੋਬਾਈਲਾਂ ਵਿੱਚ ਸਿਮ ਕਾਰਡ ਵੀ ਹਨ।
ਏ.ਐੱਸ.ਆਈ ਨੇ ਦਸਿਆ ਕਿ ਜੇਲ ਵਲੋਂ ਮਿਲੇ ਲਿਖਤੀ ਪੱਤਰ ਦੇ ਅਧਾਰ ਤੇ ਪੁਲਿਸ ਨੇ ਹਵਾਲਾਤੀ ਲਵਪ੍ਰੀਤ ਸਿੰਘ, ਮਿਥੁਨ ਸਿੰਘ ਉਰਫ਼ ਮੀਠੀ, ਹਵਾਲਾਤੀ ਅਰਵਿੰਦਰ, ਰਾਜਨ ਸਿੰਘ, ਰਵਿੰਦਰ ਸਿੰਘ, ਹਵਾਲਾਤੀ ਗੌਤਮ ਸਿੰਘ, ਹਵਾਲਾਤੀ ਵਿਕਰਮ, ਮਨਜੀਤ ਸਿੰਘ, ਹਵਾਲਾਤੀ ਤਲਵਿੰਦਰ ਸਿੰਘ ਅਤੇ ਇਕ ਅਣਪਛਾਤੇ ਵਿਅਕਤੀ ਖਿਲਾਫ ਮਾਮਲੇ ਦਰਜ ਕੀਤੇ ਹਨ ।
