ਮੋਬਾਈਲ ਫੋਨ ਖੋਹਣ ਅਤੇ ਕੁੱਟਮਾਰ ਕਰਨ ਦੇ ਦੋਸ਼ ਚ 03 ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ
ਮੋਬਾਈਲ ਫੋਨ ਖੋਹਣ ਅਤੇ ਕੁੱਟਮਾਰ ਕਰਨ ਦੇ ਦੋਸ਼ ਚ 03 ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ
ਫਿਰੋਜ਼ਪੁਰ 05 ਮਾਰਚ 2024 (ਅਨੁਜ ਕੱਕੜ ਟੀਨੂੰ )
ਥਾਣਾ ਕੁਲਗੜੀ ਦੇ ਤਹਿਤ ਆਉਂਦੇ ਪਿੰਡ ਸ਼ੇਰ ਖਾ ਵਿਖੇ ਇਕ ਵਿਅਕਤੀ ਕੋਲੋਂ ਮੋਬਾਈਲ ਫੋਨ ਖੋਹਣ ਅਤੇ ਉਸਦੀ ਕੁੱਟਮਾਰ ਕਰਨ ਦਾ ਮਾਮਲਾ ਸਾਮਣੇ ਆਇਆ ਹੈ।
ਸਹਾਇਕ ਥਾਣੇਦਾਰ ਕੁਲਵੰਤ ਸਿੰਘ ਦੇ ਦੱਸਣ ਮੁਤਾਬਕ ਸ਼ੁਭਮ ਪੁੱਤਰ ਸੰਜੀਵ ਸਚਦੇਵਾ ਵਾਸੀ ਅਮ੍ਰਿਤਸਰੀ ਗਲੀ ਚੌਂਕ ਆਰੀਆ ਸਮਾਜ ਸਿਟੀ ਫਿਰੋਜ਼ਪੁਰ ਆਪਣੇ ਕੰਮ ਸਬੰਧੀ ਜੀਰਾ ਤੋਂ ਫਿਰੋਜ਼ਪੁਰ ਸ਼ਹਿਰ ਵੱਲ ਆ ਰਿਹਾ ਸੀ, ਜਦ ਉਹ ਨੇੜੇ ਪਿੰਡ ਸ਼ੇਰ ਖਾਂ ਕੋਲ ਪੁੱਜਾ ਤਾਂ ਕਿਸੇ ਦਾ ਫੋਨ ਆਉਣ ਤੇ ਗੱਲ ਕਰਕੇ ਫੋਨ ਆਪਣੀ ਜੇਬ ਵਿੱਚ ਪਾ ਕੇ ਜਾਣ ਲੱਗਾ ਤਾਂ ਅਚਾਨਕ 03 ਅਣਪਛਾਤੇ ਵਿਅਕਤੀ ਮੋਟਰਸਾਇਕਲ ਤੇ ਆਏ, ਜਿੰਨਾ ਨੇ ਉਸ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿਤੀ ਅਤੇ ਉਸਦਾ ਮੋਬਾਇਲ ਫੋਨ ਖੋਹ ਲਿਆ ਤੇ ਮੋਕੇ ਤੋਂ ਫਰਾਰ ਹੋ ਗਏ ।
ਸ਼ੁਭਮ ਵਲੋਂ ਦਿੱਤੇ ਬਿਆਨਾਂ ਦੇ ਮੁਤਾਬਿਕ 03 ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਥਾਣਾ ਕੁਲਗੜੀ ਚ ਮੁਕਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਅਮਲ ਵਿੱਚ ਲਿਆਦੀਂ ਜਾ ਰਹੀ ਹੈ ।
