ਸੀ.ਪਾਈਟ ਕੈਂਪ ਹਕੂਮਤ ਸਿੰਘ ਵਾਲਾ ਵਲੋਂ ਵੱਖ-ਵੱਖ ਫੋਰਸਾਂ ਵਿੱਚ ਭਰਤੀ ਹੋਣ ਵਾਲੇ ਯੁਵਕਾਂ ਨੂੰ ਕਰਵਾਈ ਜਾਵੇਗੀ ਫਿਜੀਕਲ ਅਤੇ ਲਿਖਤੀ ਪੇਪਰ ਦੀ ਟ੍ਰੇਨਿੰਗ • ਚਾਹਵਾਨ ਯੁਵਕ ਜਲਦ ਤੋਂ ਜਲਦ ਆਪਣਾ ਨਾਮ ਦਰਜ ਕਰਵਾਉਣ

ਸੀ.ਪਾਈਟ ਕੈਂਪ ਹਕੂਮਤ ਸਿੰਘ ਵਾਲਾ ਵਲੋਂ ਵੱਖ-ਵੱਖ ਫੋਰਸਾਂ ਵਿੱਚ ਭਰਤੀ ਹੋਣ ਵਾਲੇ ਯੁਵਕਾਂ ਨੂੰ ਕਰਵਾਈ ਜਾਵੇਗੀ ਫਿਜੀਕਲ ਅਤੇ ਲਿਖਤੀ ਪੇਪਰ ਦੀ ਟ੍ਰੇਨਿੰਗ • ਚਾਹਵਾਨ ਯੁਵਕ ਜਲਦ ਤੋਂ ਜਲਦ ਆਪਣਾ ਨਾਮ ਦਰਜ ਕਰਵਾਉਣ

ਫਿਰੋਜ਼ਪੁਰ 29 ਨਵੰਬਰ 2023 (ਅਨੁਜ ਕੱਕੜ ਟੀਨੂੰ)

ਭਾਰਤ ਸਰਕਾਰ ਵੱਲੋਂ ਵੱਖ-ਵੱਖ ਸੈਨਿਕ ਬਲਾਂ (ਫੋਰਸਾਂ) ਵਿੱਚ 67,364 ਲੜਕਿਆਂ ਦੀ ਭਰਤੀ ਕੀਤੀ ਜਾਣੀ ਹੈ ਜਿਸ ਲਈ ਭਾਰਤ ਸਰਕਾਰ ਵੱਲੋਂ ਬੀ.ਐਸ.ਐਫ ਵਿੱਚ ਭਰਤੀ ਲਈ 24,806 ਸੀ.ਆਈ.ਐਸ.ਐਫ. ਦੀਆਂ 7877, ਸੀ.ਆਰੀ.ਪੀ.ਐਫ. ਦੀਆਂ 22,196, ਐਸ.ਐਸ.ਬੀ.ਦੀਆਂ 4839, ਆਈ.ਟੀ.ਬੀ.ਪੀ. ਦੀਆਂ 2564, ਏ.ਆਰ ਦੀਆਂ 4624, ਐਸ.ਐਸ.ਐਫ. ਦੀਆਂ 458 ਅਤੇ ਐਨ.ਆਈ.ਏ ਦੀਆਂ 225 ਪੋਸਟਾਂ ਕੱਢੀਆਂ ਹਨ। ਇਹ ਜਾਣਕਾਰੀ ਦਿੰਦਿਆਂ ਫਿਰੋਜ਼ਪੁਰ ਦੇ ਸੀ-ਪਾਈਟ ਕੈਂਪ ਹਕੂਮਤ ਸਿੰਘ ਦੇ ਟ੍ਰੇਨਿੰਗ ਅਫਸਰ ਰਿਟਾਂ, ਕੈਪਟਨ ਗੁਰਦਰਸ਼ਨ ਸਿੰਘ ਨੇ ਦੱਸਿਆ ਕਿ ਫਾਜ਼ਿਲਕਾ ਜ਼ਿਲ੍ਹੇ ਦੇ ਚਾਹਵਾਨ ਯੁਵਕ 28 ਦਸੰਬਰ 2023 ਤੱਕ ਆਨ ਲਾਈਨ ਵੈਬਸਾਈਟ https://ssc.nic.in ਤੇ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਇਸ ਤੋਂ ਇਲਾਵਾ ਇਨ੍ਹਾਂ ਪੋਸਟਾਂ ਲਈ ਫਾਜ਼ਿਲਕਾ, ਸ੍ਰੀ ਮੁਕਤਸਰ ਸਾਹਿਬ, ਫਰੀਦਕੋਟ ਅਤੇ ਮੋਗਾ ਜਿਲ੍ਹੇ ਦੇ ਯੁਵਕ ਵੀ ਇਸ ਵੈਬਸਾਈਟ ਤੇ ਆਨ ਲਾਈਨ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਇਨ੍ਹਾਂ ਪੋਸਟਾਂ ਲਈ ਫਿਜੀਕਲ ਟੈਸਟ ਤੋਂ ਪਹਿਲਾਂ ਲਿਖਤੀ ਪੇਪਰ ਕੰਪਿਊਟਰ ਬੇਸਡ ਫਰਵਰੀ 2024 ਵਿੱਚ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਪੋਸਟਾਂ ਵਿੱਚ ਅਪਲਾਈ ਕਰਨ ਵਾਲਾ ਯੁਵਕ ਦਸਵੀਂ, ਬਾਰਵੀਂ ਜਾਂ ਡਿਗਰੀ ਪਾਸ ਹੋਵੇ। ਜਨਰਲ ਕੈਟਾਗਿਰੀ ਲਈ ਉਸਦੀ ਉਮਰ 18 ਤੋਂ 23 ਸਾਲ, ਓ.ਬੀ.ਸੀ. ਕੈਟਾਗਿਰੀ ਲਈ 18 ਤੋਂ 26 ਸਾਲ, ਐਸ.ਸੀ.ਐਸ.ਟੀ. ਲਈ 18 ਤੋਂ 28 ਸਾਲ ਹੋਵੇ। ਕੱਦ ਜਨਰਲ, ਓ.ਬੀ.ਸੀ.,ਐਸ.ਸੀ ਲਈ 170 ਸੈਂਟੀਮੀਟਰ, ਐਸ.ਟੀ. ਲਈ 162.5 ਸੈਂਟੀਮੀਟਰ ਹੋਣਾ ਚਾਹੀਦਾ ਹੈ ਅਤੇ ਸਾਰੇ ਵਰਗਾਂ ਲਈ ਦੌੜ 5 ਕਿਲੋਮੀਟਰ 24 ਮਿੰਟਾਂ ਵਿੱਚ ਕੱਢਣੀ ਜ਼ਰੂਰੀ ਹੋਵੇਗੀ। ਜਨ. ਇੰਟੈਲੀਜੈਂਸੀ ਰੀਜਨਿੰਗ ਦਾ 40, ਜਨ, ਨੌਲੋਜ਼ ਤੇ ਜਨ ਅਵੇਰਨੈਂਸ ਦਾ 40,ਐਲਮੈਂਟਰੀ ਮੈਥੇਮੈਟਿਕਸ ਦਾ 40 ਅਤੇ ਇੰਗਲਿਸ਼ ਦਾ 40 ਨੰਬਰ ਦਾ ਲਿਖਤੀ ਪੇਪਰ ਹੋਵੇਗਾ। ਕੁੱਲ 80 ਪ੍ਰਸ਼ਨ ਤੇ ਹਰ ਪ੍ਰਸ਼ਨ ਦੇ 2 ਨੰਬਰ ਹੋਣਗੇ ਤੇ ਕੱਲ ਨੰਬਰ 160 ਹੋਣਗੇ। ਉਨ੍ਹਾਂ ਕਿਹਾ ਕਿ ਜੋ ਵੀ ਚਾਹਵਾਨ ਯੁਵਕ ਇਨ੍ਹਾਂ ਫੋਰਸਾਂ ਵਿੱਚ ਭਰਤੀ ਹੋਣ ਲਈ ਲਿਖਤੀ ਅਤੇ ਫਿਜ਼ੀਕਲ ਟ੍ਰੇਨਿੰਗ ਲੈਣਾ ਚਾਹੁੰਦੇ ਹਨ ਉਹ ਹਫਤੇ ਦੇ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਸਵੇਰੇ 9 ਵਜੇ ਤੋਂ 11.30 ਵਜੇ ਤੱਕ ਸੀ-ਪਾਈਟ ਕੈਂਪ, ਹਕੂਮਤ ਸਿੰਘ ਵਾਲਾ ਵਿਖੇ ਆਪਣਾ ਨਾਮ ਦਰਜ ਕਰਵਾਉਣ ਲਈ ਰਿਪੋਰਟ ਕਰਨ। ਟ੍ਰੇਨਿੰਗ ਲੈਣ ਦੇ ਚਾਹਵਾਲ ਯੁਵਕ ਭਰਤੀ ਲਈ ਆਨ ਲਾਈਨ ਅਪਲਾਈ ਕੀਤੇ ਗਏ ਦਸਤਾਵੇਜ਼ ਦੀ ਫੋਟੋ ਸਟੇਟ ਕਾਪੀ, ਦਸਵੀਂ ਦਾ ਅਸਲ ਸਰਟੀਫਿਕੇਟ ; ਦਸਵੀਂ ਦੇ ਸਰਟੀਫਿਕੇਟ ਦੀ ਫੋਟੋ ਸਟੇਟ ਕਾਪੀ, ਪੰਜਾਬ ਰੈਜੀਡੈਂਸ, ਜਾਤੀ ਸਰਟੀਫਿਕੇਟ, ਆਧਾਰ ਕਾਰਡ ਅਤੇ ਬੈਂਕ ਵਿੱਚ ਚੱਲਦੇ ਖਾਤੇ ਦੀ ਫੋਟੋ ਸਟੇਟ ਕਾਪੀ, ਇੱਕ ਪਾਸਪੋਰਟ ਸਾਈਜ਼ ਦੀ ਫੋਟੋ, ਇੱਕ ਕਾਪੀ, ਇੱਕ ਪੈਨ, ਖਾਣਾ ਖਾਣ ਲਈ ਬਰਤਨ ਅਤੇ ਰਹਿਣ ਲਈ ਬਿਸਤਰਾ ਆਦਿ ਨਾਲ ਲੈ ਕੇ ਆਉਣ। ਕੈਂਪ ਵਿੱਚ ਰਹਿਣ ਸਮੇਂ ਖਾਣਾ ਅਤੇ ਰਹਾਇਸ ਬਿਲਕੁਲ ਮੁਫਤ ਦਿੱਤੀ ਜਾਵੇਗੀ ਅਤੇ ਵਿਜੀਕਲ ਪੇਪਰ ਦੀ ਤਿਆਰੀ ਦੀ ਵੀ ਕੋਈ ਫੀਸ ਨਹੀਂ ਲਈ ਜਾਵੇਗੀ। ਵਧੇਰੇ ਜਾਣਕਾਰੀ ਲਈ 83601-63527 ਅਤੇ 78891-75575 ਨੰਬਰਾਂ ਤੇ ਸਪੰਰਕ ਕੀਤਾ ਜਾ ਸਕਦਾ ਹੈ।