ਫਿਰੋਜ਼ਪੁਰ ਵਿਖੇ ਮੈਡੀਕਲ ਵਪਾਰੀ ਨਾਲ ਗੰਨ ਪੁਆਇੰਟ ਤੇ ਹੋਈ ਲੁੱਟ
ਫਿਰੋਜ਼ਪੁਰ ਵਿਖੇ ਮੈਡੀਕਲ ਵਪਾਰੀ ਨਾਲ ਗੰਨ ਪੁਆਇੰਟ ਤੇ ਹੋਈ ਲੁੱਟ
ਫਿਰੋਜ਼ਪੁਰ 14 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਚ ਲੁਟੇਰਿਆਂ ਦੇ ਹੋਂਸਲੇ ਇਹਨੇ ਬੁਲੰਦ ਹਨ ਕੇ ਓਹਨਾ ਲਈ ਕਿਸੇ ਨੂੰ ਲੁੱਟਣ ਲਈ ਕੋਈ ਖਾਲੀ ਥਾਂ ਜਾ ਫਿਰ ਏਕਾਂਤ ਜਗ੍ਹਾ ਨਹੀਂ ਸਗੋਂ ਭੀੜ ਵਾਲੀ ਜਗ੍ਹਾ ਤੇ ਵੀ ਆਪਣੇ ਕੰਮ ਨੂੰ ਅੰਜਾਮ ਦੇਣਾ ਬਾਖੂਬੀ ਆਉਂਦਾ ਹੈ ! ਇਹਨਾਂ ਵੱਧ ਰਹੀਆਂ ਲੁੱਟਾ ਖੋਹਾਂ ਕਰਨ ਲੋਕਾਂ ਦੇ ਵਿਚ ਦਹਿਸ਼ਤ ਦਾ ਮੋਹਲ ਬਣਿਆ ਹੋਇਆ ਹੈ ! ਜੇ ਕਰ ਕਿਸੇ ਨੇ ਵਿਆਹ – ਸ਼ਾਦੀ ਜਾ ਕਿਸੇ ਹੋਰ ਜਰੂਰੀ ਕੰਮ ਜਾਣਾ ਹੋਵੇ ਤਾ ਉਹ ਹੁਣ ਗੁਰੇਜ ਕਰਨ ਲੱਗ ਗਏ ਹਨ , ਕਿਉਂਕਿ ਓਹਨਾ ਨੂੰ ਡਰ ਹੈ ਕੇ ਕੀਤੇ ਉਹ ਵੀ ਕਿਸੇ ਇੱਦਾ ਦੀ ਲੁੱਟ ਦੇ ਸ਼ਿਕਾਰ ਨਾ ਹੋ ਜਾਣ!
ਮਿਲੀ ਜਾਣਕਾਰੀ ਮੁਤਾਬਿਕ ਬੀਤੀ ਰਾਤ ਇਕ ਮੈਡੀਕਲ ਵਪਾਰੀ ਸੋਮਿਆਂ ਅਰੋੜਾ ਪੁੱਤਰ ਰਾਜੇਸ਼ ਅਰੋੜਾ ਕਿਸੇ ਕੰਮ ਤੋਂ ਵਾਪਿਸ ਆਪਣੇ ਘਰ ਵੱਲ ਜਾ ਰਿਹਾ ਸੀ ਤਾ ਫਿਰੋਜ਼ਪੁਰ ਸ਼ਹਿਰ ਦੀ ਬਾਗ਼ੀ ਰੋਡ ਗੁਰਦਵਾਰਾ ਦੇ ਨਜ਼ਦੀਕ ਪਹੁੰਚਿਆ ਤਾ ਇਕ ਮੋਟਰਸਾਈਕਲ ‘ਤੇ ਸਵਾਰ ਤਿੰਨ ਅਣਪਛਾਤੇ ਲੁਟੇਰੇ ਜਿਨ੍ਹਾਂ ਨੇ ਮੂੰਹ ਸਿਰ ਢਕੇ ਹੋਏ ਸਨ ਵਲੋਂ ਸ਼ਿਕਾਇਤਕਰਤਾ ਨੂੰ ਪਿਸਤੌਲ ਦੀ ਨੋਕ ਤੇ ਡਰਾ ਧਮਕਾ ਕੇ ਉਸ ਦਾ ਪਰਸ ਅਤੇ ਮੋਬਾਈਲ ਖੋਹ ਲਿਆ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ। ਜਿਸ ਵਿੱਚ 15,000 ਤੋਂ 20000 ਰੁਪਏ ਦੀ ਨਕਦੀ, ਅਤੇ ਜਰੂਰੀ ਕਾਗਜ਼ਾਤ ਆਦਿ ਸੀ। ਪਿਤਾ ਰਾਜੇਸ਼ ਵਲੋਂ ਦੱਸਣ ਮੁਤਾਬਿਕ ਪੁਲਿਸ ਵਲੋਂ ਐਫ ਆਈ ਆਰ ਦਰਜ ਕਰ ਲਿੱਤੀ ਗਈ ਹੈ ਅਤੇ ਪੁਲਿਸ ਵਲੋਂ ਪੂਰੀ ਸਹਾਇਤਾ ਵੀ ਕੀਤੀ ਜਾ ਰਹੀ ਹੈ ਅਤੇ ਸੀ ਸੀ ਟੀ ਵੀ ,ਵੀ ਖੰਗਾਲ ਰਹੀ ਹੈ ! ਖ਼ਬਰ ਲਿਖੇ ਜਾਨ ਤਕ ਹਜੇ ਤਕ ਪੁਲਿਸ ਦੇ ਹੱਥ ਕੋਈ ਵੀ ਸੁਰਾਗ ਨਹੀਂ ਲੱਗ ਪਾਇਆ !
ਯਾਦ ਰਹੇ ਕਿ ਪਿਛਲੀ 25 ਨਵੰਬਰ ਦੀ ਰਾਤ ਨੂੰ ਵੀ ਇਸੇ ਜਗ੍ਹਾ ਇਕ ਬਿਜਲੀ ਬੋਰਡ ਦੇ ਲਾਈਨਮੈਨ ਨਾਲ ਲੁੱਟ ਦੀ ਵਾਰਦਾਤ ਹੋਈ ਸੀ ਅਤੇ ਉਸ ਉਪਰ ਤੇਜ਼ਧਾਰ ਹਥਿਆਰ ਨਾਲ ਲੁੱਟ ਨੂੰ ਅੰਜ਼ਾਮ ਦਿੱਤਾ ਗਿਆ ਸੀ !
