ਮੋਟਰਸਾਇਕਲ ਤੇਜ਼ ਰਫਤਾਰ ਨਾਲ ਭਜਾਉਣ ਕਰਕੇ ਹੋਈਆ ਝਗੜਾ, ਹੋਈ ਮੌਤ
- 76 Views
- kakkar.news
- January 13, 2024
- Crime Punjab
ਮੋਟਰਸਾਇਕਲ ਤੇਜ਼ ਰਫਤਾਰ ਨਾਲ ਭਜਾਉਣ ਕਰਕੇ ਹੋਈਆ ਝਗੜਾ, ਹੋਈ ਮੌਤ
ਫਿਰੋਜ਼ਪੁਰ 13 ਜਨਵਰੀ 2024 (ਅਨੁਜ ਕੱਕੜ ਟੀਨੂੰ )
ਗਲੀ ਚੋ ਮੋਟਰਸਾਇਕਲ ਤੇਜ਼ ਰਫਤਾਰ ਨਾਲ ਭਜਾਉਣਾ ਕਿਸੇ ਨੂੰ ਇਹਨਾਂ ਮਹਿੰਗਾ ਪਿਆ ਕਿ ਜਿਸ ਨਾਲ ਪਹਿਲਾ ਤਕਰਾਰ ਹੋਈ ਅਤੇ ਉਸ ਤੋਂ ਬਾਅਦ ਉਹ ਤਕਰਾਰ ਖੂਨੀ ਝੜਪ ਚ ਬਦਲ ਗਈ ।
ਸੁਨੀਤਾ ਪਤਨੀ ਗੈਬਰੀਅਲ ਵਾਸੀ ਲਾਲ ਕੁੜਤੀ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਕਿਹਾ ਕਿ ਓਹਨਾ ਦੇ ਵੱਡੇ ਲੜਕੇ ਅੰਸ਼ੂ ਦੀ ਲੜਾਈ ਸ਼ਿਮੋਨ ਪੁੱਤਰ ਬਿੱਟਾ ਵਾਸੀ ਲਾਲ ਕੁੜਤੀ ਨਾ ਗਲੀ ਵਿੱਚੋ ਮੋਟਰਸਾਇਕਲ ਤੇਜ਼ ਰਫਤਾਰ ਨਾਲ ਭਜਾਉਣ ਕਰਕੇ ਹੋਈ ਸੀ ।ਜਿਸ ਕਰਕੇ ਸ਼ਿਮੋਨ ਦਾ ਪਿਤਾ ਬਿੱਟਾ ਜਿਸਦੇ ਹੱਥ ਵਿਚ ਡੰਡਾ ਸੀ, ਸੁਨੀਤਾ ਹੋਰਾਂ ਦੇ ਘਰ ਬਾਹਰ ਆ ਕੇ ਗਾਲੀ ਗਲੋਚ ਕਰਨ ਲੱਗ ਗਿਆ ਅਤੇ ਜਾਣੋ ਮਾਰਨ ਦੀਆ ਧਮਕੀਆਂ ਵੀ ਦੇਣ ਲੱਗ ਗਿਆ।ਰੋਲੇ ਦੀ ਆਵਾਜ਼ ਸੁਨ ਕੇ ਸੁਨੀਤਾ ਜਦ ਘਰੋਂ ਬਾਹਰ ਆਈ ਤਾ ਬਿੱਟਾ ਨੇ ਇੱਟ ਚੁੱਕ ਕੇ ਸੁਨੀਤਾ ਦੇ ਮਾਰੀ , ਇੱਟ ਸੁਨੀਤਾ ਦੇ ਸੱਜੇ ਗੋਡੇ ਤੇ ਜਾ ਲੱਗੀ ਜਿਸ ਨਾਲ ਉਸਦਾ ਗੋਡਾ ਲਹੂ ਲੁਹਾਨ ਹੋ ਗਿਆ ।ਬਾਹਰ ਰੋਲ ਪੈਂਦਾ ਸੁਣਨ ਕੇ ਸੁਨੀਤਾ ਦਾ ਘਰਵਾਲਾ ਗੈਬਰੀਅਲ ਵੀ ਘਰੋਂ ਬਾਹਰ ਆ ਗਿਆ ਤਾ ਆਰੋਪੀ ਬਿੱਟਾ ਨੇ ਉਸ ਨੂੰ ਧੱਕਾ ਮਾਰੀਆ । ਜਿਸ ਨਾਲ ਗੈਬਰੀਅਲ ਹੇਠਾਂ ਡਿੱਗ ਗਿਆ ਅਤੇ ਉਸਦੇ ਨੱਕ ਚੋ ਖੂੰਨ ਆਉਣ ਲੱਗ ਗਿਆ ।ਜਿਸ ਨੂੰ ਚੱਕ ਕੇ ਇਲਾਜ਼ ਲਈ ਉਹ ਸਿਵਲ ਹਸਪਤਾਲ ਲੈ ਗਏ, ਜਿਥੈ ਡਾਕਟਰ ਨੇ ਸੁਨੀਤਾ ਦੇ ਪਤੀ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ । ਸੁਨੀਤਾ ਦੇ ਦਸਣ ਮੁਤਾਬਿਕ ਆਰੋਪੀਆਂ ਨਾਲ ਰਾਜ਼ੀਨਾਮੇ ਦੀ ਗੱਲ ਚਲਦੀ ਰਹੀ ਸੀ ,ਜੋ ਸਿਰੇ ਨਹੀਂ ਲੱਗੀ।
ਤਫਤੀਸ਼ੀ ਅਫਸਰ ਨਰੇਸ਼ ਕੁਮਾਰ ਵਲੋਂ ਆਰੋਪੀਆਂ ਖਿਲਾਫ ਆਈ ਪੀ ਸੀ ਦੀਆਂ ਅਲਗ ਅਲਗ ਧਾਰਵਾਂ ਤਹਿਤ ਪਰਚਾ ਦਰਜ ਕਰ ਲਿੱਤਾ ਗਿਆ ਹੈ ਅਤੇ ਅਗਲੇਰੀ ਕਾਰਵਾਈ ਜਾਰੀ ਹੈ ।