ਫਿਰੋਜ਼ਪੁਰ ਕੇਂਦਰੀ ਜੇਲ੍ਹ ਵਿੱਚੋ ਤਲਾਸ਼ੀ ਦੌਰਾਨ 4 ਮੋਬਾਈਲ ਅਤੇ ਪਾਬੰਦੀਸ਼ੁਦਾ ਸਮਾਨ ਹੋਇਆ ਬਰਾਮਦ।
- 60 Views
- kakkar.news
- January 22, 2024
- Crime Punjab
ਫਿਰੋਜ਼ਪੁਰ ਕੇਂਦਰੀ ਜੇਲ੍ਹ ਵਿੱਚੋ ਤਲਾਸ਼ੀ ਦੌਰਾਨ 4 ਮੋਬਾਈਲ ਅਤੇ ਪਾਬੰਦੀਸ਼ੁਦਾ ਸਮਾਨ ਹੋਇਆ ਬਰਾਮਦ।
ਫਿਰੋਜ਼ਪੁਰ 22 ਜਨਵਰੀ 2024 (ਅਨੁਜ ਕੱਕੜ ਟੀਨੂੰ)
ਕੇਂਦਰੀ ਜੇਲ ਫਿਰੋਜ਼ਪੁਰ ਵਿੱਚੋ ਬੀਤੇ ਦਿਨੀ ਅਲੱਗ-ਅਲੱਗ ਸਮੇ ਚੈਕਿੰਗ ਦੁਰਾਨ 4 ਮੋਬਾਈਲ ਫੋਨ ਅਤੇ ਪਾਬੰਦੀਸ਼ੁਦਾ ਸਾਮਾਨ
ਮਿਲੇ ਜਾਣ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ।
ਜੇਲ ਦੇ ਸਹਾਇਕ ਸੁਪਰਡੈਂਟ ਸੁਖਜਿੰਦਰ ਸਿੰਘ ਵਲੋਂ ਮਿਲੀ ਜਾਣਕਾਰੀ ਮੁਤਾਬਿਕ 21/01/2024 ਨੂੰ ਬੈਰਕ ਨੰਬਰ 9 ਦੀ ਆਪਣੀ ਪੁਲਿਸ ਪਾਰਟੀ ਸਮੇਤ ਅਚਾਨਕ ਚੈਕਿੰਗ ਕੀਤੀ ਗਈ ਤਾਂ ਤਲਾਸ਼ੀ ਦੁਰਾਨ ਹਵਾਲਾਤੀ ਪ੍ਰਦੀਪ ਸਿੰਘ ਕੋਲੋਂ 1 ਮੋਬਾਈਲ ਫੋਨ ਟਚ ਸਕਰੀਨ ਮਾਰਕਾ ਵੀਵੋ ਸਮੇਤ ਸਿਮ ਕਾਰਡ ਬਰਾਮਦ ਹੋਇਆ ਅਤੇ 1 ਚਿਟੇ ਰੰਗ ਦਾ ਚਾਰਜਰ ਅਤੇ 1 ਡਾਟਾ ਕੇਬਲ ਲਵਾਰਿਸ ਬਰਾਮਦ ਹੋਇਆ । ਇਸ ਤੋਂ ਬਾਅਦ ਬੈਰਕ ਨੰਬਰ 10 ਦੀ ਤਲਾਸ਼ੀ ਦੁਰਾਨ ਹਵਾਲਾਤੀ ਅਮਰੀਕ ਸਿੰਘ ਕੋਲੋਂ 1 ਮੋਬਾਈਲ ਫੋਨ ਟਚ ਸਕਰੀਨ ਮਾਰਕਾ ਵੀਵੋ ਸਿਮ ਕਾਰਡ ਸਮੇਤ ਬਰਾਮਦ ਹੋਇਆ ਅਤੇ ਹਵਾਲਾਤੀ ਅਰਜਨ ਸਿੰਘ ਕੋਲੋਂ 1 ਮੋਬਾਈਲ ਫੋਨ ਕੀਪੈਡ ਮਾਰੱਕਾ ਨੋਕੀਆ ਸਮੇਤ ਸਿਮ ਕਾਰਡ ਬਰਾਮਦ ਹੋਇਆ ।
ਦੂਜੀ ਸ਼ਿਕਾਇਤ ਵਿਚ ਸਹਾਇਕ ਸੁਪਰਡੈਂਟ ਸੁਖਜਿੰਦਰ ਸਿੰਘ ਵਲੋਂ 21/01/2024 ਨੂੰ ਸਵੇਰੇ 9 ਵਜੇ ਸਮੇਤ ਪੁਲਿਸ ਪਾਰਟੀ ਬਲਾਕ ਨੰਬਰ 1 ਦੀ ਬੈਰਕ ਨੰਬਰ 5 ਦੀ ਬੈਕਸਾਈਡ ਤੇ ਕੈਦੀ ਗੁਰਵਿੰਦਰ ਸਿੰਘ ਦੀ ਤਲਾਸ਼ੀ ਦੁਰਾਨ 42 ਪੁੜੀਆਂ ਜਰਦਾ ਬਰਾਮਦ ਹੋਇਆ।
ਥਾਣਾ ਸਿਟੀ ਫਿਰੋਜ਼ਪੁਰ ਨੂੰ ਕੇਂਦਰੀ ਜੇਲ ਫਿਰੋਜ਼ਪੁਰ ਵਲੋਂ ਮਿਲੀ ਤੀਸਰੀ ਸ਼ਿਕਾਇਤ ਅਨੁਸਾਰ ਸਰਬਜੀਤ ਸਿੰਘ ਸਹਾਇਕ ਸੁਪਰਡੈਂਟ ਅਤੇ ਪੁਲਿਸ ਪਾਰਟੀ ਵਲੋਂ 21/01/2024 ਨੂੰ ਸ਼ਾਮ ਦੇ ਸਮੇ ਤਲਾਸ਼ੀ ਲੈਣ ਦੁਰਾਨ ਬਲਾਕ ਨੰਬਰ 1 ਦੀ ਬੈਰਕ ਨੰਬਰ 5 ਚੋ ਹਵਾਲਾਤੀ ਗੁਰਜੰਟ ਸਿੰਘ ਕੋਲੋਂ 1 ਮੋਬਾਈਲ ਫੋਨ ਮਾਰਕਾ ਨੋਕੀਆ ਸਿਮ ਕਾਰਡ ਸਮੇਤ ਬਰਾਮਦ ਹੋਇਆ ।
ਤਫਤੀਸ਼ ਅਫਸਰ ਏ ਐਸ ਆਈ ਗੁਰਮੇਲ ਸਿੰਘ ਨੇ ਦਸਿਆ ਕੀ ਪੁਲਿਸ ਨੇ ਕੇਂਦਰੀ ਜੇਲ ਵਲੋਂ ਮਿਲਿਆ 3 ਸ਼ਿਕਾਇਤਾਂ ਦੇ ਅਧਾਰ ਤੇ ਥਾਣਾ ਸਿਟੀ ਵਿਖੇ ਉਕਤ ਹਵਾਲਾਤੀਆਂ, ਕੈਦੀ ਅਤੇ ਨਾਮਾਲੂਮ ਵਿਅਕਤੀਆਂ ਖਿਲਾਫ ਅਲਗ ਅਲਗ ਅ/ਧ PRISON ACT ਦੇ ਤਹਿਤ 3 ਅਲੱਗ ਅਲੱਗ ਕੇਸ ਦਰਜ ਕੀਤੇ ਹਨ ।