ਫਿਰੋਜ਼ਪੁਰ ਚ 300 ਚਾਈਨੀਜ਼ ਗੱਟੂ ਡੋਰ ਸਮੇਤ ਕੀਤਾ ਇਕ ਵਿਅਕਤੀ ਕਾਬੂ ,ਮਾਮਲਾ ਦਰਜ
- 613 Views
- kakkar.news
- January 27, 2024
- Crime Punjab
ਫਿਰੋਜ਼ਪੁਰ ਚ 300 ਚਾਈਨੀਜ਼ ਗੱਟੂ ਡੋਰ ਸਮੇਤ ਕੀਤਾ ਇਕ ਵਿਅਕਤੀ ਕਾਬੂ ,ਮਾਮਲਾ ਦਰਜ
ਫਿਰੋਜ਼ਪੁਰ 27ਜਨਵਰੀ 2024 (ਅਨੁਜ ਕੱਕੜ ਟੀਨੂੰ )
ਇੱਕ ਪਤੰਗ ਉਡਾਉਣ ਵਾਲਾ ਧਾਗਾ, ਜਿਸਨੂੰ ਕਿਲਰ ਥਰੈਡ ਦੇ ਨਾਂਅ ਵਜੋਂ ਵੀ ਜਾਣਿਆ ਜਾਂਦਾ ਹੈ । ਇਹ ਬੇਹੱਦ ਹੀ ਖ਼ਤਰਨਾਕ ਡੋਰ ਹੈ , ਜੋ ਕਿ ਬਚੇ ਹੋਣ ਜਾ ਵੱਡੇ ਜਾ ਫਿਰ ਬਜ਼ੁਰਗਾਂ ਲਈ ਤਾ ਖ਼ਤਨਾਕ ਹੈ ਹੀ ਸਗੋਂ ਇਹ ਜਾਨਵਰਾਂ ਅਤੇ ਅਸਮਾਨ ਚ ਉੱਡਣ ਵਾਲੇ ਪਰਿੰਦਿਆਂ ਲਈ ਵੀ ਬਹੁਤ ਖ਼ਤਰਨਾਕ ਸਾਬਿਤ ਹੋ ਰਹੀ ਹੈ ।ਇਹ ਤਾਗਾ ਹਰ ਕਿਸੇ ਲਈ ਖ਼ਤਰੇ ਜਾਂ ਸੱਟ ਦਾ ਕਾਰਨ ਬਣਦਾ ਹੈ । ਅਸੀਂ ਆਮ ਸੁਣਦੇ ਹੈ ਕੇ ਕਿਸੇ ਦਾ ਚਾਈਨੀਜ਼ ਡੋਰ ਨਾਲ ਗਲਾ ਵੱਡੀਆਂ ਗਿਆ ਜਾਂ ਨੱਕ ਵੱਡੀਆਂ ਗਿਆ ਜਾਂ ਉਂਗਲਾਂ ਵੱਡੀਆਂ ਗਈਆਂ ਜਾਂ ਐਕਸੀਡੈਂਟ ਹੋ ਗਿਆ । ਚਾਈਨੀਜ਼ ਧਾਗਾ ਬਾਜ਼ਾਰ ਵਿੱਚ ਉਪਲਬਧ ਹੈ। ਅਜਿਹੀ ਸਿੰਥੈਟਿਕ ਤਾਰਾਂ ਦੀ ਵਰਤੋਂ ਨੂੰ ਰੋਕਣ ਲਈ ਕਾਨੂੰਨ ਹਨ, ਪਰ ਲਾਗੂ ਕਰਨ ਦੀ ਘਾਟ ਹੈ।
ਰਾਜੇਸ਼ ਕੁਮਾਰ, ਏ.ਐਸ.ਆਈ. ਦੀ ਅਗਵਾਈ ਹੇਠਲੀ ਪੁਲਿਸ ਪਾਰਟੀ ਵੱਲੋਂ ਸ਼ਹਿਰ ਦੇ ਦਿੱਲੀ ਗੇਟ ਨੇੜੇ ਰੁਟੀਨ ਗਸ਼ਤ ਦੌਰਾਨ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਛਾਪੇਮਾਰੀ ਕੀਤੀ ਗਈ ਕਿ ਸੰਨੀ ਸ਼ਰਮਾ ਪੁਰਾਣਾ ਡਾਕਖਾਨਾ ਟਾਹਲੀ ਮੁਹੱਲਾ ਨੇੜੇ ਕਰਿਆਨਾ ਦੀ ਦੁਕਾਨ ਕਰਦਾ ਹੈ , ਅਤੇ ਆਪਣੀ ਦੁਕਾਨ ਚ ਪਤੰਗਾ ਅਤੇ ਧਾਗੇ ਵੇਚਣ ਦਾ ਕੰਮ ਵੀ ਕਰਦਾ ਹੈ । ਅਤੇ ਇਸ ਸਮੇ ਸਰਕਾਰ ਦੀਆਂ ਹਦਾਇਤਾਂ ਦੀ ਉਲੰਘਣਾ ਕਰਦੇ ਹੋਏ ਪਾਬੰਦੀਸ਼ੁਦਾ ਚੀਨੀ ਧਾਗੇ ਦੀ ਵਿਕਰੀ ਲਈ ਗਾਹਕਾਂ ਦਾ ਇੰਤਜ਼ਾਰ ਕਰ ਰਿਹਾ ਹੈ ,ਅਤੇ ਜੇਕਰ ਛਾਪਾ ਮਾਰਿਆ ਗਿਆ ਤਾਂ ਰੰਗੇ ਹੱਥੀਂ ਫੜਿਆ ਜਾ ਸਕਦਾ ਹੈ। ਸੂਚਨਾ ‘ਤੇ ਤੇਜ਼ੀ ਨਾਲ ਕੰਮ ਕਰਦੇ ਹੋਏ ਪੁਲਿਸ ਨੇ ਸੰਨੀ ਦੀ ਦੁਕਾਨ ‘ਤੇ ਛਾਪਾ ਮਾਰਿਆ ਅਤੇ ਚੀਨੀ ਧਾਗੇ ਦੇ 300 ਸਪੂਲ ਬਰਾਮਦ ਕੀਤੇ। ਆਈ.ਪੀ.ਸੀ. ਦੀ ਧਾਰਾ 188 ਦੇ ਤਹਿਤ ਇੱਕ ਕੇਸ ਦਰਜ ਕਰ ਉਸਨੂੰ ਜ਼ਮਾਨਤ ‘ਤੇ ਰਿਹਾਅ ਕੀਤਾ ਗਿਆ ਸੀ। ਹਾਲਾਂਕਿ, ਹੋਰ ਜਾਂਚ ਜਾਰੀ ਹੈ।
ਪਿਛਲੇ ਸਾਲਾਂ ਵਿੱਚ ਕਈ ਘਟਨਾਵਾਂ ਵਾਪਰ ਚੁੱਕੀਆਂ ਹਨ ਅਤੇ ਜੇਕਰ ਇਸ ਦੀ ਲਗਾਤਾਰ ਵਰਤੋਂ ਨੂੰ ਨਾ ਰੋਕਿਆ ਗਿਆ ਤਾਂ ਇਸ ਸਾਲ ਨੁਕਸਾਨ ਹੋਵੇਗਾ। ਹਾਲਾਂਕਿ ਬਦਨਾਮ ਚੀਨੀ ਮਾਂਜਾ, ਇੱਕ ਨਾ ਟੁੱਟਣ ਵਾਲਾ ਨਾਈਲੋਨ ਧਾਗਾ ਹੈ ,ਜਿਸ ਉਪਰ ਕਈ ਰਾਜਾਂ ਵਲੋਂ ਪਾਬੰਦੀ ਲਗਾਈ ਗਈ ਹੈ ਕਿਉਂਕਿ ਇਹ ਪਕ੍ਸ਼ੀ ਪ੍ਰਜਾਤੀਆਂ ਅਤੇ ਮਨੁੱਖਾਂ ਨੂੰ ਬਹੁਤ ਨੁਕਸਾਨ ਪਹੁੰਚਾਉਂਦੀ ਹੈ, ਕੁਝ ਦੁਕਾਨਦਾਰ ਅਜੇ ਵੀ ਇਸ ਖਤਰਨਾਕ ਉਤਪਾਦ ਨੂੰ ਸਟੋਰ ਕਰ ਅਤੇ ਵੇਚ ਰਹੇ ਹਨ।
ਕ੍ਰਾਈਮ ਐਂਡ ਕਰੱਪਸ਼ਨ ਰਿਫੋਰਮਸ ਦੇ ਪ੍ਰਧਾਨ ਵਿਪਨ ਸ਼ੇਰੂ ਕੱਕੜ ਦਾ ਇਹ ਕਹਿਣਾ ਹੈ ਕਿ ਬਸੰਤ ਦਾ ਤਿਉਹਾਰ ਜਸ਼ਨ ਅਤੇ ਖੁਸ਼ੀਆਂ ਭਰਿਆ ਹੁੰਦਾ ਹੈ ,ਅਤੇ ਫਿਰੋਜ਼ਪੁਰ ਸ਼ਹਿਰ ਚ ਇਹ ਬੜੇ ਸ਼ੋਂਕ ਨਾਲ ਮਨਾਇਆ ਜਾਂਦਾ ਹੈ ।ਪਰ ਇਸ ਤਿਉਹਾਰ ਨੂੰ ਚਾਈਨੀਜ਼ ਡੋਰ ਨੇ ਨਜ਼ਰ ਜੀ ਲਗਾ ਦਿੱਤੀ ਹੈ ,ਚਾਈਨੀਜ਼ ਮਾਂਜ਼ਾ ਨੂੰ ਕੁਝ ਲੋਕ ਪਲਾਸਟਿਕ ਦੀ ਡੋਰਾ ਵੀ ਕਹਿੰਦੇ ਹਨ। ਇਹ ਪਲਾਸਟਿਕ ਦੀ ਡੋਰ ਜਾਂ ਚਾਈਨੀਜ ਡੋਰ ਹੋਰ ਡੋਰਾਂ ਦੀ ਤਰ੍ਹਾਂ ਧਾਗੇ ਨਾਲ ਨਹੀਂ ਬਣਦੀ ਹੈ। ਇਹ ਮਾਂਜ਼ਾ ਨਾਇਲੋਨ ਅਤੇ ਇੱਕ ਮੈਟਲਿਕ ਪਾਊਡਰ ਤੋਂ ਮਿਲਕਰ ਬਣਾਇਆ ਜਾਂਦਾ ਹੈ। ਇਹ ਪਲਾਸਟਿਕ ਵਰਗਾ ਲੱਗਦਾ ਹੈ ਅਤੇ ਸਟ੍ਰੈਚਬਲ ਵੀ ਹੁੰਦਾ ਹੈ ,ਅਤੇ ਜਦੋਂ ਇਹ ਖਿੱਚਦੇ ਹਨ ਤਾਂ ਇਹ ਟੁੱਟਣ ਦੀ ਬਜਾਏ ਅੱਗੇ ਵਧਦਾ ਹੈ। ਜਿਸਨੂੰ ਕੱਟਣਾ ਜਾਂ ਤੋੜਨਾ ਮੁਸ਼ਕਿਲ ਹੁੰਦਾ ਹੈ । ਜੋ ਕਿ ਨਾ ਕੇ ਕੱਲੇ ਮਾਨਵ ਜਾਤ ਲਈ ਸਗੋਂ ਜਾਨਵਰਾਂ ਅਤੇ ਪੰਛੀਆਂ ਲਈ ਵੀ ਬਹੁਤ ਖਤਰਨਾਕ ਹੈ।ਇਸ ਲਈ ਪ੍ਰਸ਼ਾਸ਼ਨ ਨੂੰ ਇਸ ਕਿਲਰ ਥਰੈਡ ਦੀ ਵਿਕਰੀ ਨੂੰ ਰੋਕਣ ਲਈ ਸਖਤ ਤੋਂ ਸਖਤ ਕਾਨੂੰਨ ਬਣਾਉਣੇ ਚਾਹੀਦੇ ਹਨ , ਤਾ ਜੋ ਇਸ ਧਾਗੇ ਦੀ ਬਿਕਰੀ ਅਤੇ ਵਰਤੋਂ ਨੂੰ ਰੋਕਿਆ ਜਾਂ ਸਕੇ ।