ਹਥਿਆਰ ਦੀ ਨੋਕ ਤੇ ਪੈਟਰੋਲ ਪੰਪ ਤੇ ਕੀਤੀ ਲੁੱਟ ,04 ਵਿਅਕਤੀ ਨਾਮਜ਼ਦ
- 149 Views
- kakkar.news
- May 4, 2024
- Crime Punjab
ਹਥਿਆਰ ਦੀ ਨੋਕ ਤੇ ਪੈਟਰੋਲ ਪੰਪ ਤੇ ਕੀਤੀ ਲੁੱਟ ,04 ਵਿਅਕਤੀ ਨਾਮਜ਼ਦ
ਮੱਖੂ/ਫਿਰੋਜ਼ਪੁਰ 04 ਮਈ 2024 (ਅਨੁਜ ਕੱਕੜ ਟੀਨੂੰ )
ਜਿਲ੍ਹੇ ਚ ਚੋਰੀ ਅਤੇ ਲੁੱਟ ਖੋਹ ਦੀਆਂ ਵਾਰਦਾਤਾਂ ਇਸ ਕਦਰ ਵੱਧ ਗਈਆਂ ਹਨ ਕਿ ਮਾਨੋ ਚੋਰਾਂ ਨੂੰ ਜਿਵੇ ਕਿਸੇ ਦਾ ਵੀ ਕੋਈ ਡਰ ਨਹੀਂ ।ਲੋਕਸਭਾ ਚੋਣਾਂ ਨੂੰ ਲੈ ਕੇ ਪੁਲਿਸ ਅਤੇ ਸੁਰਕ੍ਸ਼ਾ ਬਲਾ ਦੀਆਂ ਟੀਮਾਂ. ਨਾਲ ਜਿਲੇ ਦੇ ਕੋਨੇ ਕੋਨੇ ਵਿਚ ਤੈਨਾਤੀ ਕੀਤੀ ਗਈ ਹੈ ਅਤੇ ਚੈਕਿੰਗ ਵੀ ਕੀਤੀ ਜਾਂਦੀ ਹੈ ਅਤੇ ਲੋਕਾਂ ਨੂੰ ਓਹਨਾ ਦੀ ਸੁਰੱਖਿਆ ਦਾ ਭਰੋਸਾ ਦਿੰਦੇ ਹੋਏ ਫਲੈਗ ਮਾਰਚ ਵੀ ਕੱਢੇ ਜਾ ਰਹੇ ਹਨ ਪਰ ਦੂਜੇ ਪਾਸੇ ਵੱਧ ਰਹੀਆਂ ਵਾਰਦਾਤਾਂ ਪੁਲਿਸ ਪ੍ਰਸ਼ਾਸਨ ਦੀ ਪੋਲ ਖੋਲ ਰਹੀਆਂ ਹਨ ।
ਕਦੀ ਕੋਈ ਵਿਅਕਤੀ ਕਿਤੇ ਖੜ੍ਹਾ ਆਪਣੇ ਮੋਬਾਈਲ ਤੇ ਗੱਲ ਕਰ ਰਿਹਾ ਹੋਵੇ ਤਾ ਲੁਟੇਰੇ ਮਾਰੂ ਹਥਿਆਰਾਂ ਨਾਲ ਲੈਸ ਜਿਵੇ ਕਿ ਕਾਪੇ, ਬੇਸੇਬਾਲ ,ਪਿਸੋਤਲ ਆਦਿ ਦੁਆਰਾ ਉਸਨੂੰ ਆਪਣੀ ਲੁੱਟ ਦਾ ਸ਼ਿਕਾਰ ਬਣਾ ਲੈਂਦੇ ਹਨ ਅਤੇ ਕਦੀ ਕਿਸੇ ਚੋਰ ਵਲੋਂ ਕਿਸੇ ਦੁਕਾਨ ਤੇ ਬੈਠੇ ਦੁਕਾਨਦਾਰ ਨੂੰ ਆਪਣੀ ਲੁੱਟ ਦਾ ਸ਼ਿਕਾਰ ਬਣਾਇਆ ਜਾ ਰਿਹਾ ਹੈ।
ਕਈ ਵਾਰ ਅੱਧੀ ਰਾਤ ਨੂੰ ਕਿਸੇ ਜਰੂਰੀ ਕੰਮ ਤੇ ਨਿਕਲੇ ਲੋਕਾਂ ਨੂੰ ਜੇ ਕਰ ਆਪਣੀ ਗੱਡੀ ਜਾਂ ਵਹੀਕਲ ਚ ਡੀਜ਼ਲ ਜਾ ਪੈਟਰੋਲ ਭਰਵਾਉਣ ਦੀ ਲੋੜ ਪਵੇ ਤਾ ਦੇਰ ਰਾਤ ਖੁੱਲ੍ਹੇ ਰਹਿਣ ਵਾਲੇ ਪੈਟਰੋਲ ਪੰਪ ਇਹਨਾਂ ਰਾਹਗੀਰਾਂ ਦੇ ਲਈ ਮਦਦਗਾਰ ਸਾਬਿਤ ਹੁੰਦੇ ਹਨ,ਅਤੇ ਲੋਕਾਂ ਨੂੰ ਆਪਣੀ ਮੰਜ਼ਿਲ ਤੇ ਪੁੱਜਣ ਲਈ ਮਦਦ ਕਰਦੇ ਹਨ ,ਦੂਜੇ ਪਾਸੇ ਜੇਕਰ ਅਜਿਹੇ ਪੈਟਰੋਲ ਪੰਪਾਂ ਤੇ ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਹੋਣ ਲੱਗ ਜਾਣ ਤਾ ਫਿਰ ਦੇਰ ਰਾਤ ਤੱਕ ਇਹਨਾਂ ਨੂੰ ਖੋਲ੍ਹੇ ਰੱਖਣਾ ਪੰਪ ਮਾਲਕਾ ਲਈ ਔਖਾ ਸਾਬਿਤ ਵੀ ਹੋ ਸਕਦਾ ਹੈ।
ਲੁੱਟ ਦੀ ਇਕ ਅਜੇਹੀ ਇਕ ਘਟਨਾ ਫਿਰੋਜ਼ਪੁਰ ਦੇ ਜ਼ੀਰਾ ਰੋਡ ਮੱਖੂ ਵਿਖੇ ਪੈਟਰੋਲ ਪੰਪ ‘ਤੇ ਵਾਪਰੀ ਹੈ , ਜਿਥੇ 4 ਵਿਅਕਤੀਆਂ ਵਲੋਂ ਵੱਲੋਂ ਹਥਿਆਰ ਦੀ ਨੋਕ ‘ਤੇ ਹਜ਼ਾਰਾਂ ਰੁਪਏ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਬੀਤੀ ਰਾਤ ਕਰੀਬ 12:30 ਵਜੇ ਕੁੱਝ ਵਿਅਕਤੀ ਆਪਣੀ ਕਾਰ ਤੇ ਸਵਾਰ ਹੋ ਕੇ ਜੀ.ਓ ਪੈਟਰੋਲ ਪੰਪ ਜੀਰਾ ਰੋਡ ਮੱਖੂ ਤੇ ਆਏ ਅਤੇ ਆਪਣੀ ਕਾਰ ਆਈ 20 ਵਿਚ ਪੰਪ ਤੋਂ 400/- ਰੁਪਏ ਦਾ ਪੈਟਰੋਲ ਪੁਆਇਆ ਅਤੇ ਉਸ ਤੋਂ ਬਾਅਦ ਹਥਿਆਰ ਦੀ ਨੋਕ ਤੇ ਮਨਜੀਤ ਸਿੰਘ ਪੁੱਤਰ ਮੰਗਲ ਸਿੰਘ ਵਾਸੀ ਮੱਖੂ ਤੇ ਉਸ ਦੇ ਸਾਥੀ ਕੋਲੋਂ 33,190/-ਰੁਪਏ ਦੀ ਨਗਦੀ ਅਤੇ 01 ਮੋਬਾਇਲ ਫੋਨ ਖੋਹ ਕੇ ਫਰਾਰ ਹੋ ਗਏ ।
ਤਫਤੀਸ਼ ਅਫਸਰ ਕੁਲਵੰਤ ਸਿੰਘ ਨੇ ਮਨਜੀਤ ਸਿੰਘ ਵਲੋਂ ਦਿੱਤੇ ਬਿਆਨਾਂ ਮੁਤਾਬਿਕ 04 ਨਾਮਲੂਮ ਵਿਅਕਤੀਆਂ ਖਿਲਾਫ ਆਈ.ਪੀ .ਸੀ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਆਰੋਪੀਆਂ ਦੀ ਭਾਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ ਅਤੇ ਇਸ ਖੋਹ ਚ ਵਰਤੀ ਗਈ ਕਾਰ ਦੀ ਵੀ ਭਾਲ ਕੀਤੀ ਜਾ ਰਹੀ ਹੈ।