ਪਿਸਤੌਲ ਦੀ ਨੋਕ ਤੇ ਕਿੱਤੀ ਲੁੱਟ , ਮਾਮਲਾ ਦਰਜ
ਪਿਸਤੌਲ ਦੀ ਨੋਕ ਤੇ ਕਿੱਤੀ ਲੁੱਟ , ਮਾਮਲਾ ਦਰਜ
ਮੱਖੂ /ਫਿਰੋਜ਼ਪੁਰ 11 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ)
ਪੰਜਾਬ ਵਿਚ ਲਾਅ ਐਂਡ ਆਰਡਰ ਦੀ ਸਥਿਤੀ ਦਿਨ ਬ ਦਿਨ ਬੱਦ ਤੋਂ ਬਦਤਰ ਹੁੰਦੀ ਜਾ ਰਹੀ ਹੈ। ਜਿਸ ਕਾਰਨ ਆਮ ਆਦਮੀ ਆਪਣੇ ਆਪ ਨੂੰ ਅਸੁਰੱਖਿਅਤ ਮਹਿਸੂਸ ਕਰ ਰਿਹਾ ਹੈ। ਫਿਰੋਜ਼ਪੁਰ ਵਿਚ ਤਾਂ ਸਥਿਤੀ ਹੋਰ ਵੀ ਖਤਰਨਾਕ ਹੋ ਗਈ ਹੈ, ਅਤੇ ਇਓਂ ਜਾਪਦਾ ਹੈ ਜਿਵੇ ਇਥੇ ਕਨੂੰਨ ਦਾ ਰਾਜ ਪੂਰੀ ਤਰਾਂ ਨਾਲ ਖਤਮ ਹੋ ਗਿਆ ਹੈ । ਇੱਦਾ ਦਾ ਇਕ ਮਾਮਲਾ ਫਿਰੋਜ਼ਪੁਰ ਦੇ ਕਸਬੇ ਥਾਣਾ ਮੱਖੂ ਤੋਂ ਸਾਮਣੇ ਆਇਆ ਹੈ ਜਿੱਥੇ ਇਕ ਵਿਅਕਤੀ ਕੋਲੋਂ 03 ਅਣਪਛਾਤੇ ਨੌਜਵਾਨ ਪਿਸਤੋਲ ਦੀ ਨੋਕ ਤੇ ਮੋਟਰਸਾਇਕਲ ਖੋਹ ਕੇ ਫਰਾਰ ਹੋ ਗਏ ਹਨ ।
ਗੁਰਸੇਵਕ ਸਿੰਘ ਪੁੱਤਰ ਲੁੱਸਾ ਸਿੰਘ ਵਾਸੀ ਚੱਕੀਆਂ ਥਾਣਾ ਮੱਖੂ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਦੱਸਿਆ ਕਿ ਉਹ ਆਪਣੇ ਮੋਟਰਸਾਇਕਲ ਪਰ ਆਸ਼ਾ ਪੈਟਰੋ ਮਾਰਟ ਪੁਰਾਣਾ ਮੱਖੂ ਪੈਟਰੋਲ ਪੰਪ ਤੋਂ ਆਪਣੇ ਘਰ ਜਾ ਰਿਹਾ ਸੀ, ਜਦ ਉਹ ਪਿੰਡ ਛੋਟੀਆਂ ਚੱਕੀਆਂ ਪਾਸ ਪੁੱਜਾ ਤਾਂ ਇੱਕ ਮੋਟਰਸਾਇਕਲ ਪਰ 03 ਨੋੌਜਵਾਨ ਸਵਾਰ ਸਨ , ਜਿਨ੍ਹਾਂ ਨੇ ਉਸ ਦੇ ਬਰਾਬਰ ਮੋਟਰਸਾਇਕਲ ਲਿਆ ਕੇ ਉਸ ਦੇ ਪਹਿਨੀ ਹੋਈ ਕਿੱਟ ਬੈਗ ਜਿਸ ਵਿੱਚ ਰੁਟੀਨ ਦੇ ਕਪੜੇ ਸਨ ਨੂੰ ਹੱਥ ਪਾ ਕੇ ਖਿਚਆ ਤਾਂ ਉਹ ਮੋਟਰਸਾਇਕਲ ਸਮੇਤ ਸੜਕ ਦੇ ਕਿਨਾਰੇ ਡਿੱਗ ਪਿਆ ਤਾਂ ਆਰੋਪੀਆਂਨ ਨੇ ਉਸ ਤੋਂ ਮੋਟਰਸਾਇਕਲ ਖੋਹਣ ਲਈ ਧੱਕਾ ਮੁੱਕੀ ਕੀਤੀ, ਜਦ ਉਸ ਨੇ ਮੋਟਰਸਾਇਕਲ ਨਾ ਛੱਡਿਆ ਤਾਂ ਪਿਸਤੌਲ ਵਰਗੀ ਚੀਜ਼ ਦਾ ਡਰਾਵਾ ਦਿਖਾ ਕੇ ਉਸ ਦਾ ਮੋਟਰਸਾਇਕਲ ਖੋਹ ਕੇ ਫਰਾਰ ਹੋ ਗਏ ।
ਸਹਾਇਕ ਥਾਣੇਦਾਰ ਬਲਰਾਜ ਸਿੰਘ ਵੱਲੋ ਅਣਪਛਾਤੇ ਆਰੋਪੀਆਂ ਖਿਲਾਫ ਮਾਮਲਾ ਦਰਜ ਕਰ ਭਾਲ ਸ਼ੁਰੂ ਕਰ ਦਿਤੀ ਹੈ ।
