ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਲੂੰਬੜੀ ਵਾਲਾ ਵਿੱਚ “ਬੈਸਟ ਆਊਟ ਆਫ ਵੇਸਟ” ਵਰਕਸ਼ਾਪ ਆਯੋਜਿਤ

ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਲੂੰਬੜੀ ਵਾਲਾ ਵਿੱਚ “ਬੈਸਟ ਆਊਟ ਆਫ ਵੇਸਟ” ਵਰਕਸ਼ਾਪ ਆਯੋਜਿਤ

ਫ਼ਿਰੋਜ਼ਪੁਰ 24 ਫਰਵਰੀ 2026 (ਅਨੁਜ ਕੱਕੜ ਟੀਨੂੰ)

ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਲੂੰਬੜੀ ਵਾਲਾ ਬਲਾਕ ਸਤੀਏ ਵਾਲਾ ਜ਼ਿਲ੍ਹਾ ਫਿਰੋਜ਼ਪੁਰ ਵਿੱਚ “ਬੈਸਟ ਆਊਟ ਆਫ ਵੇਸਟ ਕਲੋਥ ਤੋਂ ਬੈਗ ਬਣਾਉਣਾ” ਵਿਸ਼ੇ ਉੱਤੇ ਵਰਕਸ਼ਾਪ ਸਫਲਤਾਪੂਰਵਕ ਆਯੋਜਿਤ ਕੀਤੀ ਗਈ।
ਸਕੂਲ ਪ੍ਰਿੰਸੀਪਲ ਸ਼੍ਰੀਮਤੀ ਨੀਲਮ ਧਵਨ ਦੀ ਅਗਵਾਈ ਹੇਠ ਕਰਵਾਏ ਗਏ ਇਸ ਪ੍ਰੋਗਰਾਮ ਲਈ ਰਿਸੋਰਸ ਪਰਸਨ ਵਜੋਂ ਸ਼੍ਰੀਮਤੀ ਕੁਲਦੀਪ ਕੌਰ (ਆਈ.ਟੀ. ਡਰੈੱਸ ਮੇਕਿੰਗ) ਨੂੰ ਸੱਦਾ ਦਿੱਤਾ ਗਿਆ, ਜਿਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਪੁਰਾਣੇ ਕੱਪੜਿਆਂ ਤੋਂ ਸੁੰਦਰ ਅਤੇ ਉਪਯੋਗੀ ਬੈਗ ਤਿਆਰ ਕਰਨ ਅਤੇ ਦੁਪੱਟਿਆਂ ਤੋਂ ਗਲੀਚੇ ਬਣਾਉਣ ਦੀ ਪ੍ਰਯੋਗਾਤਮਕ ਸਿਖਲਾਈ ਦਿੱਤੀ।
ਵਰਕਸ਼ਾਪ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਵਿੱਚ ਰੀਸਾਈਕਲਿੰਗ, ਵਾਤਾਵਰਣ ਬਾਰੇ ਅਤੇ ਰਚਨਾਤਮਕ ਕੌਸ਼ਲਾਂ ਨੂੰ ਉਤਸ਼ਾਹਿਤ ਕਰਨਾ ਸੀ। ਸਕੂਲ ਈਕੋ ਕਲੱਬ ਇੰਚਾਰਜ ਸ਼੍ਰੀਮਤੀ ਵਿੰਨੀ ਥਿੰਦ, ਸਾਇੰਸ ਅਧਿਆਪਕਾ ਸ਼੍ਰੀਮਤੀ ਹਰਜੀਤ ਕੌਰ ਅਤੇ ਸ਼੍ਰੀਮਤੀ ਮਨਦੀਪ ਕੌਰ ਵੱਲੋਂ ਵਰਕਸ਼ਾਪ ਨੂੰ ਸੁਚਾਰੂ ਅਤੇ ਵਿਵਸਥਿਤ ਢੰਗ ਨਾਲ ਸੰਚਾਲਿਤ ਕੀਤਾ ਗਿਆ। ਇਹ ਗਤੀਵਿਧੀ ਪੰਜਾਬ ਸਟੇਟ ਕੌਂਸਲ ਫਾਰ ਸਾਇੰਸ ਐਂਡ ਟੈਕਨੋਲੋਜੀ ਦੇ ਸਹਿਯੋਗ ਨਾਲ ਕਰਵਾਈ ਗਈ।
ਇਸ ਮੌਕੇ ਲਖਵਿੰਦਰ ਸਿੰਘ (ਮੀਡੀਆ ਕੋਆਰਡੀਨੇਟਰ), ਗੁਰਜੰਟ ਸਿੰਘ, ਸੁਨੀਤਾ ਰਾਣੀ, ਸੰਜੀਵ ਪੁਰੀ, ਸਾਰਿਕਾ, ਗੁਰਕੀਰਤ ਕੌਰ, ਸੁਨੀਤਾ ਸੋਨੀ, ਮੁਸਕਾਨ, ਕਾਜਲ, ਅੰਜੂ ਖੁੱਲਰ, ਨਰਿੰਦਰ ਕੌਰ, ਮਮਤਾ ਰਾਣੀ, ਤਰਸੇਮ ਸਿੰਘ, ਮੋਹਿੰਦਰ ਸਿੰਘ, ਹਰਲੀਨ ਕੌਰ, ਆਸ਼ਾ ਰਾਣੀ, ਤਨੂ, ਪ੍ਰੀਆ ਰਾਣੀ, ਸੁਰਿੰਦਰ ਕੌਰ, ਤੇਜਿੰਦਰ ਕੌਰ ਅਤੇ ਗੁਰਦੀਪ ਸਿੰਘ ਸਮੇਤ ਅਧਿਆਪਕ ਵਰਗ ਅਤੇ ਵਿਦਿਆਰਥੀ ਵੱਡੀ ਗਿਣਤੀ ਵਿੱਚ ਮੌਜੂਦ ਰਹੇ।