ਫ਼ਿਰੋਜ਼ਪੁਰ ਫਾਜ਼ਿਲਕਾ ਮਮਦੋਟ ਸਡ਼ਕ ਮਾਰਗ ਬਣਿਆ ਲੁਟੇਰਿਆਂ ਦਾ ਵੱਡਾ ਗੜ੍ਹ ਜਨਤਾ ਵਿਚ ਭਾਰੀ ਸਹਿਮ, ਡਰ ਕਾਰਨ ਲੋਕਾਂ ਦਾ ਸਡ਼ਕ ਤੇ ਨਿਕਲਣਾ ਮੁਸ਼ਕਿਲ
ਫ਼ਿਰੋਜ਼ਪੁਰ ਫਾਜ਼ਿਲਕਾ ਮਮਦੋਟ ਸਡ਼ਕ ਮਾਰਗ ਬਣਿਆ ਲੁਟੇਰਿਆਂ ਦਾ ਵੱਡਾ ਗੜ੍ਹ
ਜਨਤਾ ਵਿਚ ਭਾਰੀ ਸਹਿਮ, ਡਰ ਕਾਰਨ ਲੋਕਾਂ ਦਾ ਸਡ਼ਕ ਤੇ ਨਿਕਲਣਾ ਮੁਸ਼ਕਿਲ
ਫਿਰੋਜ਼ਪੁਰ: ਸੁਭਾਸ਼ ਕੱਕੜ 14 ਸਤੰਬਰ
ਫਿਰੋਜ਼ਪੁਰ ਫਾਜ਼ਿਲਕਾ ਜੀਟੀ ਰੋਡ ‘ਤੇ ਅੱਜ ਸਵੇਰੇ ਵੀ ਲੁੱਟ ਖਖੋਹ ਦੀ ਇਕ ਹੋਰ ਵਾਰਦਾਤ ਹੋਈ ਹੈ ਜਿਸ ਕਾਰਣ ਲੋਕਾਂ ਵਿਚ ਭਾਰੀ ਸਹਿਮ ਅਤੇ ਡਰ ਪਾਇਆ ਜਾ ਰਿਹਾ ਹੈ
ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਪਤਨੀ ਵਾਸਤੇ ਜਲੰਧਰ ਤੋਂ ਕਿਡਨੀ ਦੀ ਦਵਾਈ ਲੈਣ ਜਾ ਰਹੇ ਮੋਟਰਸਾਈਕਲ ਸਵਾਰ ਦੋਵੇਂ ਜੀਆਂ ਨੂੰ ਖਾਈ ਰੇਲਵੇ ਪੁਲ ਦੀ ਚੋਟੀ ‘ਤੇ ਤਿੱਨ ਮੋਟਰਸਾਈਕਲ ਸਵਾਰ ਨਕਾਬਪੋਸ਼ਾਂ ਨੇ ਲੁੱਟਿਆ ਅਤੇ ਅਰਾਮ ਨਾਲ ਵਾਰਦਾਤ ਨੂੰ ਅੰਜਾਮ ਦੇ ਕੇ ਫ਼ਰਾਰ ਹੋ ਗਏ। ਦੱਸਿਆ ਬਜਾ ਰਿਹਾ ਹੈ ਕਿ ਕੁੜਤੇ ਦੀ ਜੇਬ ‘ਚ ਲਗਪਗ 9 ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਹੋਰ ਜ਼ਰੂਰੀ ਕਾਗਜ਼ਾਤ ਵੀ ਸਨ ਜੋ ਲੁਟੇਰੇ ਲੈ ਕੇ ਫਰਾਰ ਹੋ ਗਾਏ।
ਇਹ ਘਟਨਾ ਉਸ ਸਮੇ ਵਾਪਰੀ ਜਦੋਂ ਪਿੰਡ ਮੱਤੜ ਹਿਠਾੜ ਤੋਂ ਜਸਵਿੰਦਰ ਸਿੰਘ ਆਪਣੀ ਪਤਨੀ ਸਮੇਤ ਸਵੇਰੇ ਜਲੰਧਰ ਵਾਸਤੇ ਟਰੇਨ ਫੜਨ ਲਈ ਮੋਟਰਸਾਈਕਲ ਤੇ ਜਾ ਰਹੇ ਸਨ। ਇਹ ਘਟਨਾ ਕ ਖਾਈ ਲਾਗੇ ਵਾਪਰੀ ਦੱਸੀ ਜਾ ਰਹੀ ਹੈ।
ਦੱਸਣਯੋਗ ਹੋਵੇਗਾ ਕਿ ਗ਼ਰੀਬੀ ਦੇ ਦੌਰ ਚੋਂ ਗੁਜ਼ਰ ਰਹੇ ਜਸਵਿੰਦਰ ਸਿੰਘ ਪਤਨੀ ਦੀ ਦਵਾਈ ਲੈਣ ਵਾਸਤੇ ਅਸਮਰੱਥ ਸੀ ਕਿ ਅੱਜ ਪੈਸਿਆਂ ਦੀ ਲੁੱਟ ਨੇ ਹੋਰ ਉਸ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ ਅਤੇ ਜਨਤਾ ਵਿਚ ਡਰ ਅਤੇ ਸਹਿਮ ਪਾਇਆ ਜਾ ਰਿਹਾ ਹੈ।
