- 87 Views
- kakkar.news
- September 27, 2022
- Crime
ਨਸ਼ੇ ਵਿਚ ਟੁੰਨ ਪੋਤਰੇ ਨੇ ਮਾਰ ਮਾਰ ਕੇ ਦਾਦੇ ਨੂੰ ਕੀਤਾ ਜ਼ਖਮੀ, ਹੋਈ ਮੌਤ
ਫਿਰੋਜ਼ਪੁਰ (ਅਨੁਜ ਕੱਕੜ ਟੀਨੂੰ) 27 ਸਤੰਬਰ
ਤਲਵੰਡੀ ਭਾਈ ਨਜ਼ਦੀਕ ਪਿੰਡ ਪਤਲੀ ਵਿਖੇ ਨਸ਼ੇ ਵਿਚ ਟੁੰਨ ਪੋਤਰੇ ਵੱਲੋਂ ਆਪਣੇ ਦਾਦੇ ਦੀ ਤੰਗਲੀ ਨਾਲ ਇਨੀ ਜ਼ਿਆਦਾ ਕੁੱਟ ਮਾਰ ਕੀਤੀ ਗਈ ਕੇ ਬਾਅਦ ਵਿਚ ਉਸਦੀ ਮੌਤ ਹੋ ਗਈ| ਇਸ ਬਾਰੇ ਮਿਰਤਕ ਦੇ ਪੁੱਤਰ ਤੀਰਥ ਸਿੰਘ ਦੇ ਬਿਆਨ ਦੇ ਅਧਾਰ ਤੇ ਦੋਸ਼ੀ ਧਰਮਪਰੀਤ ਸਿੰਘ ਪੁੱਤਰ ਰਾਮ ਸਿੰਘ ਦੇ ਖਿਲਾਫ ਪੁਲਿਸ ਵੱਲੋਂ ਤਲਵੰਡੀ ਭਾਈ ਠਾਣੇ ਵਿਚ ਅਧੀਨ ਧਾਰਾ ੩੦੨ ਮੁਕਦਮਾ ਦਰਜ ਕਰ ਲਿਆ ਗਿਆ ਹੈ, ਜਦ ਕਿ ਦੋਸ਼ੀ ਫਰਾਰ ਦਸਿਆ ਜਾ ਰਿਹਾ ਹੈ|
ਪੁਲਿਸ ਨੂੰ ਆਪਣੇ ਬਿਆਨ ਦਰਜ ਕਰਾਉਂਦੇ ਹੋਏ ਤੀਰਥ ਸਿੰਘ ਪੁੱਤਰ ਸੁਖਦੇਵ ਸਿੰਘ ਨੇ ਦਸਿਆ ਹੈ ਕਿ ਉਹ ਹਕੂਮਤ ਵਾਲਾ ਦੇ ਨਜ਼ਦੀਕ ਕਲੋਨੀ ਵਿਚ ਰਹਿੰਦਾ ਹੈ ਜਦ ਕਿ ਦੋਸ਼ੀ ਧਰਮਪ੍ਰੀਤ ਆਪਣੇ ਰਾਮ ਸਿੰਘ ਅਤੇ ਆਪਣੀ ਮਾਤਾ ਮਲਕੀਤ ਕੌਰ ਨਾਲ ਜਸਵੰਤ ਸਿੰਘ ਪੁੱਤਰ ਪੁਸ਼ਪਿੰਦਰ ਸਿੰਘ ਨੰਬਰਦਾਰ ਜੋ ਕਿ ਅਮਰੀਕਾ ਗਏ ਹਨ ਦੇ ਵਾੜੇ ਵਿਚ ਰਹਿੰਦੇ ਹਨ| ੨੫ ਸਤੰਬਰ ਦੀ ਰਾਤ ਕਰੀਬ ੯ ਵਜੇ ਉਸਦਾ ਭਤੀਜਾ ਜੋ ਕਿ ਨਸ਼ੇ ਵਿਚ ਸੀ, ਆਪਣੇ ਮਾਤਾ ਮਲਕੀਤ ਕੌਰ ਅਤੇ ਪਿਤਾ ਰਾਮ ਸਿੰਘ ਜੋ ਕਿ ਨਾਲ ਝਗੜਾ ਕਰ ਰਿਹਾ ਸੀ. ਜਿਸ ਨੂੰ ਸਮਝਣ ਲਈ ਰਾਮ ਸਿੰਘ ਆਪਣੇ ਪਿਤਾ ਸੁਖਦੇਵ ਸਿੰਘ ਨੂੰ ਆਪਣੇ ਘਰ ਲਈ ਗਿਆ| ਜਦ ਸੁਖਦੇਵ ਸਿੰਘ ਨੇ ਆਪਣੇ ਪੋਤਰੇ ਧਰਮਪ੍ਰੀਤ ਨੂੰ ਸਮਝਾਣ ਦੀ ਕੋਸ਼ਿਸ਼ ਕੀਤੀ ਤਾਂ ਗੁੱਸੇ ਵਿਚ ਧਰਮਪ੍ਰੀਤ ਨੇ ਤਰੰਗਲੀ ਨਾਲ ਆਪਣੇ ਦਾਦੇ ਸੁਖਦੇਵ ਸਿੰਘ ਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤੋ ਅਤੇ ਗੰਭੀਰ ਰੂਪ ਵਿਚ ਜ਼ਖਮੀ ਕਰ ਦਿੱਤਾ| ਗੰਭੀਰ ਹਾਲਤ ਵਿਚ ਸੁਖਦੇਵ ਸਿੰਘ ਨੂੰ ਤੁਰੰਤ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਹਸਪਤਾਲ ਫਰੀਦਕੋਟ ਦਾਖਲ ਕਰਵਾ ਦਿੱਤਾ ਗਿਆ ਜਿਥੇ ਇਲਾ\ਜ ਦੌਰਾਨ ਉਸਦੀ ਮੌਤ ਹੋ ਗਈ ਹੈ| ਪੁਲਿਸ ਵਲੋਂ ਧਰਮਪ੍ਰੀਤ ਦੇ ਖਿਲਾਫ ਮੁਕਦਮਾ ਦਰਜ ਕਰ ਕਿ ਉਸਦੀ ਭਾਲ ਕੀਤੀ ਜਾ ਰਹੀ ਹੈ ਜਦ ਕਿ ਮੁਲਜ਼ਮ ਫਰਾਰ ਦਸਿਆ ਜਾ ਰਿਹਾ ਹੈ.