ਭਾਰਤੀ ਫੋਜ ਦੇ ਮੋਰਚਿਆਂ ਤੇ ਟੇਂਡੀਵਾਲਾ ਦੇ ਇਕ ਪਰਿਵਾਰ ਵੱਲੋਂ ਕਬਜਾ, ਫੋਜ ਨੇ ਖਾਲੀ ਕਰਵਾਉਣ ਲਈ ਪੁਲਿਸ ਵਾਲਿਆਂ ਦੀ ਮਦਦ
- 178 Views
- kakkar.news
- October 9, 2022
- National Punjab
ਭਾਰਤੀ ਫੋਜ ਦੇ ਮੋਰਚਿਆਂ ਤੇ ਟੇਂਡੀਵਾਲਾ ਦੇ ਇਕ ਪਰਿਵਾਰ ਵੱਲੋਂ ਕਬਜਾ, ਫੋਜ ਨੇ ਖਾਲੀ ਕਰਵਾਉਣ ਲਈ ਪੁਲਿਸ ਵਾਲਿਆਂ ਦੀ ਮਦਦ
ਫਿਰੋਜ਼ਪੁਰ 09 ਅਕਤੂਬਰ 2022 (ਸਿਟੀਜ਼ਨਜ਼ ਵੋਇਸ)
ਹਿੰਦ ਪਾਕਿ ਕੌਮਾਂਤਰੀ ਸਰਹੱਦ ‘ਤੇ ਸਥਿਤ ਸਰਹੱਦੀ ਪਿੰਡ ਟੇਂਡੀਵਾਲਾ ਬੰਨ ’ਤੇ ਬਣੇ ਫ਼ੌਜ ਦੇ ਮੋਰਚਿਆਂ ‘ਤੇ ਟੇਂਡੀਵਾਲਾ ਦੇ ਇਕ ਪਰਿਵਾਰ ਵੱਲੋਂ ਕਬਜ਼ੇ ਕਰ ਲਏ ਜਾਣ ਦੀ ਖ਼ਬਰ ਹੈ। ਇੰਨਾ ਹੀ ਨਹੀਂ ਉਕਤ ਪਰਿਵਾਰ ਵੱਲੋਂ ਮੋਰਚਿਆਂ ਦੇ ਲਾਲ ਨਾਲ ਦੋ ਪੱਕੇ ਕਮਰੇ ਵੀ ਉਸਾਰ ਲਏ ਗਏ ਹਨ। ਜਦੋਂ ਫੌਜ ਵੱਲੋਂ ਉਕਤ ਪਰਿਵਾਰ ਨੂੰ ਮੋਰਚੇ ਖਾਲੀ ਕਰਨ ਲਈ ਆਖਿਆ ਗਿਆ ਤਾਂ ਪਾਕਿਸਤਾਨ ਨਾਲ ਸਾਂਝ ਵਿਖਾਉਂਦਿਆਂ ਪਰਿਵਾਰ ਦਾ ਇਕ ਮੈਂਬਰ ਬਾਰਡਰ ਲੰਘ ਕੇ ਪਾਕਿਸਤਾਨ ਚਲਾ ਗਿਆ। ਹੈਰਾਨੀਜਨਕ ਪਹਿਲੂ ਇਹ ਰਿਹਾ ਕਿ ਫ਼ੌਜੀ ਮੋਰਚਿਆਂ ਤੋਂ ਅਨੈਤਿਕ ਕਮਰਿਆਂ ਨੂੰ ਹਟਾਉਣ ਅਤੇ ਮੋਰਚੇ ਖਾਲੀ ਕਰਵਾਉਣ ਲਈ ਫੌਜ ਨੂੰ ਮਦਦ ਲਏ ਪੁਲਿਸ ਦੀ ਸ਼ਰਨ ਵਿੱਚ ਜਾਣਾ ਪਿਆ।
ਇਸ ਸਬੰਧੀ ਥਾਣਾ ਸਦਰ ਫਿਰੋਜ਼ਪੁਰ ਪੁਲਿਸ ਨੇ 4 ਵਿਅਕਤੀਆਂ ਖਿਲਾਫ 447, 506, 34 ਆਈਪੀਸੀ 3 ਦੀ ” ਪਰਿਵੈਨਸ਼ਨ ਆਫ ਡੈਮੇਜ਼ ਟੂ ਪਬਲਿਕ ਪ੍ਰਾਪਰਟੀ ਐਕਟ 1984″ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਜਾਣਕਾਰੀ ਦਿੰਦੇ ਹੋਏ ਥਾਣਾ ਸਦਰ ਫਿਰੋਜ਼ਪੁਰ ਦੇ ਏਐੱਸਆਈ ਕੁਲਵੰਤ ਸਿੰਘ ਨੇ ਦੱਸਿਆ ਕਿ ਇਕ ਪੱਤਰ ਨੰਬਰ 350/ਜੀ ਓਪੀਐੱਸ ਵੱਲੋਂ ਆਫੀਸਰ ਕਮਾਡਿੰਗ ਕੋਮਪੋਸਾਈਟ ਟਾਸਕ ਫੋਰਸ 7 ਇਨਫੈਨਟਰੀ ਡਵੀਜ਼ਨ ਮੌਸੂਲ ਹੋਇਆ ਕਿ ਦੋਸ਼ੀਅਨ ਬਲਜੀਤ ਸਿੰਘ ਪੁੱਤਰ ਬਹਾਲ ਸਿੰਘ, ਅਜੀਤ ਸਿੰਘ ਪੁੱਤਰ ਬਹਾਲ ਸਿੰਘ, ਹੰਸਾ ਸਿੰਘ ਪੁੱਤਰ ਬਹਾਲ ਸਿੰਘ, ਹਰਬੰਸ ਸਿੰਘ ਪੁੱਤਰ ਬਹਾਲ ਸਿੰਘ ਵਾਸੀਅਨ ਟੇਂਡੀਵਾਲੀ ਵੱਲੋਂ ਫੌਜ਼ ਦੇ ਡਿਫੈਂਸ ਬੰਨ ‘ਤੇ ਅਨੈਤਿਕ ਕਬਜਾ ਕਰਕੇ 2 ਪੱਕੇ ਕਮਰੇ ਅਤੇ ਬੰਨ ਵਿਚ ਫੌਜ਼ ਲਈ ਬਣਾਏ ਗਏ ਹਨ ਅਤੇ ਮੋਰਚਿਆਂ ਵਿਚ ਪਸ਼ੂ ਬੰਨ੍ਹ ਰਹੇ ਹਨ। ਇਸ ਦੇ ਚੱਲਦਿਆਂ ਫੌਜ਼ ਦੇ ਡਿਫੈਂਸ ਦੀ ਤਿਆਰੀ ਅਤੇ ਟੀਆਰਜੀ ’ਤੇ ਬੁਰਾ ਪ੍ਰਭਾਵ ਪੈ ਰਿਹਾ ਹੈ। ਫੌਜ ਦੇ ਵਾਰ ਵਾਰ ਸਮਝਾਉਣ ਪਿੱਛੋਂ ਵੀ ਸਮਝ ਨਹੀਂ ਰਹੇ ਅਤੇ ਬੰਨ ’ਤੋਂ ਕਮਰੇ ਹਟਾਉਣ ਲਈ ਤੇ ਮੋਰਚਿਆਂ ਨੂੰ ਖਾਲੀ ਕਰਨ ਲਈ ਮਨ੍ਹਾ ਕਰ ਰਹੇ ਹਨ। ਬਹਾਲ ਸਿੰਘ ਦਾ ਪੁੱਤਰ ਹੰਸਾ ਸਿੰਘ ਜੋ ਆਈਬੀ ਲੰਘ ਕੇ ਪਾਕਿਸਤਾਨ ਚਲਾ ਗਿਆ ਜਿਥੇ ਪਾਕਿਸਤਾਨ ਨਾਲ ਮੇਲ ਮਿਲਾਪ ਰੱਖ ਕਰਕੇ ਪਾਕਿਸਤਾਨੀ ਰੇਂਜਰਾਂ ਦੁਆਰਾ ਉਸ ਨੂੰ ਗਿ੍ਫਤਾਰ ਕਰ ਲਿਆ ਗਿਆ ਹੈ। ਇਸ ਲਈ ਜਲਦ ਤੋਂ ਜਲਦ ਟੇਂਡੀਵਾਲਾ ਬੰਨ ’ਤੇ ਬਣਾਏ ਗਏ ਅਨੈਤਿਕ ਕਮਰਿਆਂ ਨੂੰ ਹਟਾਇਆ ਜਾਵੇ ਅਤੇ ਮੋਰਚਿਆਂ ਨੂੰ ਖਾਲੀ ਕਰਾਇਆ ਜਾਵੇ। ਥਾਣਾ ਸਦਰ ਦੇ ਤਫਤੀਸ਼ ਅਧਿਕਾਰੀ ਨੇ ਦੱਸਿਆ ਕਿ ਫੌਜ ਅਧਿਕਾਰੀ ਦਾ ਪੱਤਰ ਮਿਲਣ ਤੋਂ ਬਾਅਦ ਦੋਸ਼ੀਅਨ ਖਿਲਾਫ ਮੁਕੱਦਮਾ ਦਰਜ ਰਜਿਸਟਰ ਕਰਕੇ ਅਗਲੇਰੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾ ਰਹੀ ਹੈ।