ਫਿਰੋਜ਼ਪੁਰ ਦੀ ਕੇਂਦਰੀ ਜੇਲ੍ਹ, ਬਰਾਮਦ ਹੋਏ 6 ਮੋਬਾਇਲ ਤੇ ਜੇਲ੍ਹ ਅੰਦਰ ਸੁੱਟੇ 4 ਪੈਕੇਟ ਦੀ ਬਰਾਮਦਗੀ

ਫਿਰੋਜ਼ਪੁਰ ਦੀ ਕੇਂਦਰੀ ਜੇਲ੍ਹ, ਬਰਾਮਦ ਹੋਏ 6 ਮੋਬਾਇਲ ਤੇ ਜੇਲ੍ਹ ਅੰਦਰ ਸੁੱਟੇ 4 ਪੈਕੇਟ ਦੀ ਬਰਾਮਦਗੀ

ਫਿਰੋਜ਼ਪੁਰ 22 ਦਸੰਬਰ 2022  (ਸੁਭਾਸ਼ ਕੱਕੜ)

ਬਾਹਰੋਂ ਜੇਲ੍ਹ ਦੇ ਅੰਦਰ ਪੈਕਟਾਂ ‘ਚ ਬੰਦ ਕਰਕੇ ਮੋਬਾਇਲ ਫੋਨ ਅਤੇ ਨਸ਼ੀਲੇ ਪਦਾਰਥ ਆਦਿ ਸੁੱਟਣ ਤੇ ਮੋਬਾਇਲ ਤੋਂ ਇਲਾਵਾ ਨਸ਼ੀਲੇ ਪਦਾਰਥਾਂ ਦੀ ਬਰਾਮਦਗੀ ਨੂੰ ਲੈ ਕੇ ਪਿਛਲੇ ਕੁਝ ਸਮੇਂ ਤੋਂ ਸੁਰਖੀਆਂ ‘ਚ ਬਣੀ ਹੋਈ ਹੈ। ਜਾਣਕਾਰੀ ਮੁਤਾਬਕ ਫਿਰੋਜ਼ਪੁਰ ਦੀ ਕੇਂਦਰੀ ਜੇਲ੍ਹ ‘ਚ ਤਲਾਸ਼ੀ ਮੁਹਿੰਮ ਦੌਰਾਨ ਜੇਲ੍ਹ ਪ੍ਰਸ਼ਾਸਨ ਨੂੰ 4 ਮੋਬਾਇਲ ਬਰਾਮਦ ਕੀਤੇ ਜਾਣ ਅਤੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਜੇਲ੍ਹ ਅੰਦਰ ਸੁੱਟੇ ਗਏ 4 ਪੈਕੇਟਾਂ ‘ਚੋਂ ਤੰਬਾਕੂ ਦੀਆਂ ਪੁੜੀਆਂ, ਸਿਗਰਟ ਦੀਆਂ ਡੱਬੀਆਂ, ਮੋਬਾਇਲ ਫੋਨ ਅਤੇ ਹੋਰ ਸਾਮਾਨ ਬਰਾਮਦ ਕੀਤਾ ਗਿਆ ਹੈ। ਜਿਸ ਸਬੰਧ ‘ਚ ਥਾਣਾ ਸਿਟੀ ਪੁਲਸ ਫਿਰੋਜ਼ਪੁਰ ਵੱਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਪੁਲਸ ਦੇ ਏ. ਐੱਸ. ਆਈ. ਅਯੂਬ ਮਸੀਨ ਤੇ ਏ. ਐੱਸ. ਆਈ. ਬਲਵੀਰ ਸਿੰਘ ਨੇ ਦੱਸਿਆ ਕਿ ਪੁਲਸ ਨੂੰ ਭੇਜੇ ਗਏ ਪੱਤਰ ‘ਚ ਜੇਲ੍ਹ ਦੇ ਸਹਾਇਕ ਸੁਪਰਡੈਂਟ ਗੁਰਭੇਜ ਸਿੰਘ ਅਤੇ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਜੇਲ੍ਹ ਸੁਪਰਡੈਂਟ ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ ਜਦੋਂ ਜੇਲ੍ਹ ਦੇ ਸਟਾਫ਼ ਵੱਲ਼ੋਂ ਬਲਾਕ ਨੰਬਰ 2 ਦੀ ਬਰੇਕ ਨੰ. 4 ਦੀ ਅਚਾਨਕ ਤਲਾਸ਼ੀ ਲਈ ਗਈ ਤਾਂ ਹਵਾਲਾਤੀ ਸੁਖਵਿੰਦਰ ਸਿੰਘ ਤੋਂ ਸਿਮ ਕਾਰਡ ਦੇ ਨਾਲ ਇਕ ਮੋਬਾਇਲ ਸੈਮਸੰਗ ਕੀਪੇਡ ਅਤੇ ਨਵੀਂ ਬਰੈਕ 3 ਤੇ 4 ਦੀ ਤਲਾਸ਼ੀ ‘ਤੇ ਹਵਾਲਾਤੀ ਮਿੰਟੂ ਕੋਲੋਂ ਸਿਮ ਕਾਰਡ ਦੇ ਨਾਲ ਮੋਬਾਇਲ ਸੈਮਸੰਗ ਕੀਪੈਡ ਤੋਂ ਇਲਾਵਾ ਹੋਰ 2 ਹਵਾਲਾਤੀਆਂ ਦੀ ਤਲਾਸ਼ੀ ਲੈਣ ‘ਤੇ ਇਕ ਮੋਬਾਇਲ ਸੈਮਸੰਗ, ਇਕ ਮੋਬਾਇਲ ਫੋਨ ਟੱਚ ਸਕਰੀਨ ਓਪੋ ਅਤੇ ਇਕ ਹੋਰ ਮੋਬਾਇਲ ਲਾਵਾਰਿਸ ਹਾਲਤ ‘ਚ ਬਰਾਮਦ ਹੋਇਆ।ਉਨ੍ਹਾਂ ਦੱਸਿਆ ਕਿ ਜਦੋਂ ਜੇਲ੍ਹ ਅੰਦਰ ਸੁੱਟੇ ਗਏ 4 ਪੈਕੇਟ ਖੋਲ੍ਹ ਕੇ ਦੇਖਿਆ ਗਿਆ ਤਾਂ ਉਸ ਵਿੱਚੋਂ 23 ਪੈਕੇਟ ਜ਼ਰਦਾ (ਤੰਬਾਕੂ), 2 ਖੁੱਲ੍ਹੇ ਸਿਗਰਟ ਦੇ ਡੱਬੇ, ਇੱਕ ਮੋਬਾਈਲ ਫ਼ੋਨ ਸੈਮਸੰਗ ਕੀਪੈਡ, ਇੱਕ ਮੋਬਾਈਲ ਫ਼ੋਨ ਦੀ ਬੈਟਰੀ, ਇੱਕ ਚਾਰਜਰ ਅਤੇ ਇੱਕ ਡਾਟਾ ਕੇਬਲ ਸੀ। ਬਰਾਮਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਪੁਲਸ ਨੇ ਦੋ ਹਵਾਲਾਤੀਆਂ ਨੂੰ ਨਾਮਜ਼ਦ ਕਰਕੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ।