ਨਹਿਰੂ ਯੁਵਾ ਕੇਂਦਰ ਫਿਰੋਜ਼ਪੁਰ ਵੱਲੋਂ 1 ਅਪ੍ਰੈਲ ਤੋਂ 31 ਮਈ 2023 ਤੱਕ ਯੁਵਾ ਸੰਵਾਦ- ਭਾਰਤ 2047 ਪ੍ਰੋਗਰਾਮ ਦਾ ਕੀਤਾ ਜਾਵੇਗਾ ਆਯੋਜਨ
- 93 Views
- kakkar.news
- March 3, 2023
- Education Punjab
ਨਹਿਰੂ ਯੁਵਾ ਕੇਂਦਰ ਫਿਰੋਜ਼ਪੁਰ ਵੱਲੋਂ 1 ਅਪ੍ਰੈਲ ਤੋਂ 31 ਮਈ 2023 ਤੱਕ ਯੁਵਾ ਸੰਵਾਦ- ਭਾਰਤ 2047 ਪ੍ਰੋਗਰਾਮ ਦਾ ਕੀਤਾ ਜਾਵੇਗਾ ਆਯੋਜਨ
ਫਿਰੋਜ਼ਪੁਰ, 3 ਮਾਰਚ 2023 (ਸੁਭਾਸ਼ ਕੱਕੜ)
ਯੁਵਾ ਕੇਂਦਰ ਸੰਗਠਨ ਦੁਆਰਾ 1 ਅਪ੍ਰੈਲ 2023 ਤੋਂ 31 ਮਈ 2023 ਤੱਕ ਦੇਸ਼ ਦੇ ਸਾਰੇ ਜ਼ਿਲ੍ਹਿਆਂ ਵਿਚ ਕੇਂਦਰ ਅਧਾਰਿਤ ਸੰਗਠਨਾਂ ਦੇ ਸਹਿਯੋਗ ਨਾਲ ਯੁਵਾ ਸੰਵਾਦ- ਭਾਰਤ 2047″ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਜ਼ਿਲ੍ਹਾ ਯੁਵਾ ਅਫਸਰ ਮਨੀਸ਼ਾ ਰਾਣੀ ਨੇ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਪ੍ਰੋਗਰਾਮ ਨੂੰ ਜਿਲ੍ਹੇ ਦੇ ਵੱਖ-ਵੱਖ ਯੂਥ ਕਲੱਬਾਂ ਦੇ ਸਹਿਯੋਗ ਅਤੇ ਸਮਰਥਨ ਨਾਲ ਜ਼ਿਲ੍ਹਾ ਪੱਧਰ ਉੱਤੇ ਕਰਵਾਉਣ ਦੀ ਯੋਜਨਾ ਹੈ, ਇਹ ਯੂਥ ਕਲੱਬ ਪੰਜ ਪ੍ਰਥਾਂ ਅਨੁਸਾਰ ਦੇਸ਼ ਦੇ ਭਵਿੱਖ ਉਤੇ ਇਕ ਸਕਾਰਾਤਮਕ ਭਾਸ਼ਣ ਮੁਕਾਬਲਾ ਕਰਵਾਉਣ ਦੇ ਲਈ ਨਹਿਰੂ ਯੁਵਾ ਕੇਂਦਰ ਦਾ ਸਾਥ ਦੇਣਗੇ। ਇਹ ਪ੍ਰੋਗਰਾਮ ਵਿਚ ਉੱਘੇ ਗਿਆਨਵਾਨ ਵਿਅਕਤੀ ਪੰਜ ਪ੍ਰਣਾ ਉੱਪਰ ਚਰਚਾ ਕਰਨਗੇ ਅਤੇ ਉਸ ਤੋਂ ਬਾਅਦ ਘੱਟੋ-ਘੱਟ 500 ਨੌਜਵਾਨਾਂ ਨੂੰ ਲੈ ਕੇ ਪੰਜ ਪ੍ਰਣ ਉੱਪਰ ਇਕ ਪ੍ਰਸ਼ਨ-ਪੁਛੋ ਪ੍ਰੋਗਰਾਮ ਕਰਵਾਇਆ ਜਾਵੇਗਾ। ਪ੍ਰੋਗਰਾਮ ਕਰਾਉਣ ਵਾਲੇ ਯੂਥ ਕਲੱਬ ਨੂੰ 20,000 ਰੁਪਏ ਤੱਕ ਦੀ ਸਹਾਇਤਾ ਰਾਸ਼ੀ ਦਿੱਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਗਰਾਮ ਵਿਚ ਜਿਹੜੇ ਯੂਥ ਕਲੱਬ ਭਾਗ ਲੈਣਾ ਚਾਹੁੰਦੇ ਹਨ ਉਹ ਗ਼ੈਰ ਰਾਜਨੀਤਿਕ, ਗੈਰ ਪੱਖਪਾਤੀ ਰਿਕਾਰਡ ਵਾਲੇ ਹੋਣਗੇ ਅਤੇ ਯੁਵਾ ਸੰਵਾਦ ਪ੍ਰੋਗਰਾਮ ਦਾ ਪ੍ਰਬੰਧਨ ਕਰਨ ਦੀ ਸਮਰੱਥਾ ਰੱਖਦੇ ਹੋਣਗੇ। ਭਾਗ ਲੈਣ ਵਾਲੇ ਕਲੱਬਾ ਦੇ ਖਿਲਾਫ ਕੋਈ ਅਪਰਾਧਿਕ ਮਾਮਲਾ ਦਰਜ ਨਹੀਂ ਹੋਣਾ ਚਾਹੀਦਾ। ਜਿਲ੍ਹੇ ਵਿੱਚ ਕੇਵਲ ਤਿੰਨ ਕਲੱਬਾਂ ਦੀ ਚੋਣ ਕੀਤੀ ਜਾਵੇਗੀ। ਮਾਪਦੰਡਾਂ ਨੂੰ ਪੂਰਾ ਕਰਨ ਵਾਲੇ ਇੱਛੁਕ ਕਲੱਬ 14 ਮਾਰਚ 2023 ਤੱਕ ਨਿਰਧਾਰਿਤ ਬੇਨਤੀ ਪੱਤਰ ਜਮ੍ਹਾ ਕਰਵਾ ਸਕਦੇ ਹਨ ਅਤੇ ਪ੍ਰੋਗਰਾਮ ਦੇ ਨਾਲ ਜੁੜੀ ਹੋਰ ਜਾਣਕਾਰੀ ਲੈਣ ਲਈ ਨਹਿਰੂ ਯੁਵਾ ਕੇਂਦਰ ਫਿਰੋਜਪੁਰ ਨਾਲ ਸੰਪਰਕ ਕਰ ਸਕਦੇ ਹਨ।