ਫਿਰੋਜ਼ਪੁਰ ਦੇ ਡੀ ਸੀ ਦਫਤਰ ਦਾ ਸੇਵਾਦਾਰ ਬਣਿਆ ਕਰੋੜ ਪਤੀ
ਫਿਰੋਜ਼ਪੁਰ ਦੇ ਡੀ ਸੀ ਦਫਤਰ ਦਾ ਸੇਵਾਦਾਰ ਬਣਿਆ ਕਰੋੜ ਪਤੀ
ਫਿਰੋਜ਼ਪੁਰ 03 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਦੇ ਡਿਪਟੀ ਕਮਿਸ਼ਨਰ ਦਫ਼ਤਰ ਦੀ ਅਸਲਾ ਸ਼ਾਖਾ ’ਚ ਬਤੌਰ ਸੇਵਾਦਾਰ ਕੰਮ ਕਰ ਰਹੇ ਬਲਵਿੰਦਰ ਸਿੰਘ ਦੀ ਕਿਸਮਤ ਉਸ ਵੇਲੇ ਖੁੱਲ ਗਈ ਜਦੋ ਉਸਨੂੰ ਪਤਾ ਲੱਗਾ ਕਿ ਉਹ ਹੁਣ ਕਰੋੜ ਪਤੀ ਬਨ ਗਿਆ ਹੈ! ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਫਿਰੋਜ਼ਪੁਰ ਦੇ ਪਿੰਡ ਮਤਰ ਉਤਾੜ ਦਾ ਰਹਿਣ ਵਾਲਾ ਹੈ ਅਤੇ ਡਿਪਟੀ ਕਮਿਸ਼ਨਰ ਦਫ਼ਤਰ ਵਿਖੇ ਸੇਵਾਦਾਰ ਵਜੋਂ ਨੌਕਰੀ ਕਰ ਰਿਹਾ ਹੈ ! ਦਿਵਾਲੀ ਵਾਲੇ ਦਿਨ ਉਹ ਆਪਣੇ ਦੋਸਤ ਜਸਵਿੰਦਰ ਸਿੰਘ ਜੋ ਕੇ ਖੁਦ ਡੀ ਸੀ ਦਫਤਰ ਵਿਖੇ ਨੌਕਰੀ ਕਰਦਾ ਹੈ ਉਸ ਨਾਲ ਬਾਜ਼ਾਰ ਕਿਸੇ ਕੰਮ ਗਿਆ, ਜਿਥੇ ਜਸਵਿੰਦਰ ਨੇ ਉਸਨੂੰ ਕਿਹਾ ਕਿ ਆਪਾ ਵੀ ਲਾਟਰੀ ਪਾ ਕੇ ਵੇਖ ਲਈਏ ਕਿ ਪਤਾ ਆਪਣੀ ਕਿਸਮਤ ਵੀ ਚਮਕ ਜਾਵੇ, ਅਤੇ ਮੈਂ (ਬਲਵਿੰਦਰ ਸਿੰਘ ) ਵੀ ਕਿਹਾ ਚੱਲ ਕੋਈ ਨਾ ਪਾ ਕੇ ਦੇਖ ਲੈਣੇ ਆ ! ਉਸ ਤੋਂ ਬਾਦ ਜਦ ਕਲ ਕਿਸੇ ਕੰਮ ਬਲਵਿੰਦਰ ਫਿਰੋਜ਼ਪੁਰ ਛਾਵਣੀ ਗਿਆ ਤਾ ਅਚਾਨਕ ਉਸਨੂੰ ਉਸ ਲਾਟਰੀ ਵਾਲੀ ਦੁਕਾਨਦਾਰ ਨੇ ਦਸਿਆ ਕਿ ਉਸਦੀ ਢੇਡ ਕਰੋੜ ਦੀ ਲਾਟਰੀ ਨਿਕਲ ਗਈ ਹੈ ,ਉਸਨੂੰ ਬਿਲਕੁਲ ਅੰਦਾਜਾ ਨਹੀਂ ਸੀ ਕਿ ਉਸਦੀ ਲਾਟਰੀ ਨਿਕਲ ਆਏਗੀ,ਪਰ ਜਿਵੇਂ ਹੀ ਉਸਨੂੰ ਪਤਾ ਲੱਗਿਆ ਕਿ ਉਹ ਕਰੋੜਪਤੀ ਬਣ ਗਿਆ ਹੈ ਤਾਂ ਉਸਦੇ ਘਰ ’ਚ ਖੁਸ਼ੀ ਦਾ ਮਾਹੌਲ ਬਨ ਗਿਆ ! ਉਸਨੇ ਪ੍ਰਮਾਤਮਾ ਦਾ ਸ਼ੁਕਰੀਆ ਕੀਤਾ ਅਤੇ ਕਿਹਾ ਕੇ ਬਾਬਾ ਜੀ ਦੀ ਮੇਹਰ ਸਦਕਾ ਉਹ ਪੈਸੇ ਦਾ ਇਸਤੇਮਾਲ ਆਪਣੇ ਬੱਚਿਆਂ ਦੇ ਬਿਹਤਰ ਭਵਿੱਖ ਬਣਾਉਣ ਲਈ ਕਰੇਗਾ।
