ਫਿਰੋਜ਼ਪੁਰ ਚ ਦੁਕਨਾਦਾਰ ਨਾਲ ਹੋਈ ਲੁੱਟ , ਘਟਨਾ CCTV ਚ ਕੈਦ
ਫਿਰੋਜ਼ਪੁਰ ਚ ਦੁਕਨਾਦਾਰ ਨਾਲ ਹੋਈ ਲੁੱਟ , ਘਟਨਾ CCTV ਚ ਕੈਦ
ਫਿਰੋਜ਼ਪੁਰ 04 ਜਨਵਰੀ 2024 (ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਚ ਆਏ ਦਿਨ ਚੋਰੀ ਜਾਂ ਲੁੱਟਾਂ ਖੋਹਾਂ ਦਾ ਹੋਣਾ ਹੁਣ ਆਮ ਜਿਹੀ ਗੱਲ ਜਾਪਦੀ ਹੈ । ਚੋਰਾਂ ਅਤੇ ਲੁੱਟਾਂ ਖੋਹਾਂ ਕਰਨ ਵਾਲਿਆਂ ਦੇ ਹੋਂਸਲੇ ਇਹਨੇ ਬੁਲੰਦ ਹਨ ਕੇ ਉਹ ਸ਼ਰੇਆਮ ਕਾਪੇ ਜਾਂ ਪਿਸਤੋਲ ਲੈ ਕੇ ਦੁਕਾਨਦਾਰਾ ਨੂੰ ਆਪਣਾ ਸ਼ਿਕਾਰ ਬਣਾ ਰਹੇ ਹਨ। ਜਿਸ ਕਿਸੇ ਦਾ ਦਿਲ ਕਰਦਾ ਉਹ ਰਾਹਗੀਰਾਂ ਨੂੰ ਲੁੱਟ ਲੈਂਦੇ ਹਨ ਜਾਂ ਫਿਰ ਜਿਸ ਕਿਸੇ ਦੀ ਮਰਜੀ ਦੁਕਾਨ ਤੇ ਜਾਂ ਕੇ ਉਸਨੂੰ ਲੁੱਟ ਦਾ ਸ਼ਿਕਾਰ ਬਣਾ ਲੈਂਦੇ ਹਨ ।ਅਜਿਹਾ ਹੀ ਇਕ ਵਾਕਿਆ ਫਿਰੋਜ਼ਪੁਰ ਦੇ ਬਾਂਸੀ ਗੇਟ ਨਜ਼ਦੀਕ ਇਕ ਭੱਠ (ਬੇਕਰੀ )ਦੀ ਦੁਕਾਨ ਵਿਖੇ ਵਾਪਰਿਆ ਹੈ ।
ਦੂਕਾਨਦਾਰ ਵਿੱਕੀ ਜੈਸਵਾਲ ਦੇ ਦੱਸਣ ਮੁਤਾਬਿਕ ਉਹ ਅਤੇ ਉਸਦੀ ਪਤਨੀ ਬੀਤੀ ਰਾਤ ਆਪਣੀ ਦੁਕਾਨ ਤੇ ਬੈਠੇ ਸੀ ਤਾ ਤਿੰਨ ਮੋਟਰਸਾਈਕਲ ਸਵਾਰ ਨੌਜਵਾਨ ਓਹਨਾ ਦੀ ਬੇਕਰੀ ਤੇ ਆਏ ਅਤੇ ਸਿਗਰੇਟ ਦੀ ਮੰਗ ਕੀਤੀ ਜਿਵੇ ਹੀ ਦੂਕਾਨਦਾਰ ਸਿਗਰੇਟ ਲੈਣ ਲਈ ਮੁੜਿਆ ਤਾ ਓਹਨਾ ਚੋ ਇਕ ਵਿਅਕਤੀ ਨੇ ਪਿਸਤੌਲ ਕੱਢ ਕੇ ਦੂਕਾਨਦਾਰ ਦੇ ਮੋਢੇ ਤੇ ਰੱਖ ਕੇ ਉਸਨੂੰ ਜਾਣੋ ਮਾਰਨ ਦੀ ਧਮਕੀ ਦੇ ਕੇ ਕਿਹਾ ਕਿ ਉਸ ਕੋਲ ਜੋ ਕੁੱਜ ਵੀ ਹੈ ਉਹ ਓਹਨਾ ਨੂੰ ਦੇ ਦੇਵੇ । ਦੂਕਾਨਦਾਰ ਨੇ ਇਹ ਵੀ ਦੱਸਿਆ ਕਿ ਓਹਨਾ ਚੋ ਇਕ ਨੌਜਵਾਨ ਵਾਪਿਸ ਜਾ ਕੇ ਆਪਣੇ ਮੋਟਰਸਾਈਕਲ ਚੋ ਕਾਪਾ ਕੱਢ ਕੇ ਲੈ ਆਇਆ ਅਤੇ ਉਸਦੀ ਪਤਨੀ ਦੀ ਗਰਦਨ ਤੇ ਰੱਖਦੇ ਹੋਏ ਪੈਸਿਆਂ ਦੇ ਗੱਲੇ ਤੋਂ ਪਾਸੇ ਹੋਣ ਲਈ ਕਿਹਾ। ਦੂਕਾਨਦਾਰ ਦੀ ਪਤਨੀ ਨੇ ਦਸਿਆ ਕਿ ਲੁਟੇਰਿਆਂ ਨੇ ਓਹਨਾ ਨੂੰ ਰੌਲਾ ਨਾ ਪਾਉਣ ਲਈ ਕਿਹਾ ਅਤੇ ਉਸਦੀ ਵੀ ਜੇਬਾਂ ਦੀ ਤਲਾਸ਼ੀ ਕਰ ਕੇ ਉਸ ਕੋਲ ਜੋ ਕੁੱਜ ਵੀ ਸੀ ਉਹ ਵੀ ਲੈ ਗਏ । ਦੂਕਾਨਦਾਰ ਦੇ ਦਸਣ ਮੁਤਾਬਿਕ ਚੋਰ ਤਕਰੀਬਨ 25000 ਤੋਂ 30000 ਰੁਪਏ ਤਕ ਲੁੱਟ ਕੇ ਲੈ ਗਏ ਹਨ ਅਤੇ ਇਹ ਓਹਨਾ ਦੇ ਤੀਨ ਚਾਰ ਦਿਨ ਦੀ ਵਟਕ ਸੀ।
ਇਥੇ ਦੱਸਣਯੋਗ ਗੱਲ ਇਹ ਵੀ ਹੈ ਕੇ ਫਿਰੋਜ਼ਪੁਰ ਚ ਆਏ ਦਿਨ ਅਜਿਹੀਆਂ ਘਟਨਾਵਾਂ ਹੁੰਦੀਆਂ ਰਹਿੰਦੀਆਂ ਹਨ ਅਤੇ ਇਹਨਾਂ ਚੋ ਕਈ ਸ਼ਿਕਾਇਤਾਂ ਤਾ ਪੁਲਿਸ ਕੋਲ ਵੀ ਨਹੀਂ ਪਹੁੰਚ ਪਾਉਂਦੀਆਂ । ਜਿਵੇ ਕਿ ਆਜ਼ਾਦ ਨਗਰ ਦੇ ਇਕ ਦੂਕਾਨਦਾਰ ਜੋ ਕੇ ਆਪਣੀ ਜਮੀਨ ਦਾ ਠੇਕਾ ਲੈ ਕੇ ਆਇਆ ਸੀ ਤਾ ਦੋ ਚੋਰ ਉਸ ਕੋਲ ਆਏ ਅਤੇ ਪੈਸੇ ਖੁੱਲ੍ਹੇ ਲੈਣ ਦੇ ਬਹਾਨੇ ਉਸਦੇ 70000 ਰੁਪਏ ਦੇ ਕਰੀਬ ਉਸ ਕੋਲੋਂ ਖੋ ਕੇ ਲੈ ਗਏ ।
