ਮਮਦੋਟ ਵਿਖੇ 17 ਸਾਲ ਦੇ ਨੌਜਵਾਨ ਨੂੰ 40 -44 ਵਿਅਕਤੀਆਂ ਨੇ ਮਿੱਲ ਕੇ ਕੀਤੀ ਕੁੱਟ ਮਾਰ
- 195 Views
- kakkar.news
- January 8, 2024
- Crime Punjab
ਮਮਦੋਟ ਵਿਖੇ 17 ਸਾਲ ਦੇ ਨੌਜਵਾਨ ਨੂੰ 40 -44 ਵਿਅਕਤੀਆਂ ਨੇ ਮਿੱਲ ਕੇ ਕੀਤੀ ਕੁੱਟ ਮਾਰ
ਫਿਰੋਜ਼ਪੁਰ 08 ਜਨਵਰੀ 2024 (ਅਨੁਜ ਕੱਕੜ ਟੀਨੂੰ)
ਥਾਣਾ ਮਮਦੋਟ ਦੇ ਅਧੀਨ ਆਉਂਦੇ ਪਿੰਡ ਫਾਰੂ ਵਾਲਾ ਵਿਖੇ 40 -44 ਵਿਅਕਤੀਆਂ ਵਲੋਂ ਇਕ 17 ਸਾਲਾਂ ਨੌਜਵਾਨ ਨੂੰ ਸਕੂਲ ਦੇ ਗਰਾਉਂਡ ਚ ਬੁਲਾ ਕੇ ਉਸ ਉਪਰ ਮਾਰੂ ਹਥਿਆਰਾਂ ਨਾਲ ਹਮਲਾ ਕਰ ਜਖਮੀ ਕਰਨ ਦੀ ਘਟਨਾ ਦੀ ਖ਼ਬਰ ਸਾਮਣੇ ਆਈ ਹੈ ।
ਮਿਲੀ ਜਾਣਕਾਰੀ ਮੁਤਾਬਿਕ ਜਦ ਸੰਦੀਪ ਸਿੰਘ ਪੁੱਤਰ ਚਰਨਪਾਲ ਸਿੰਘ ਵਾਸੀ ਫਾਰੂ ਵਾਲਾ ਜਿਸਦੀ ਉਮਰ 17 ਸਾਲ ਹੈ , ਆਪਣੇ ਤਾਏ ਦੇ ਮੁੰਡੇ ਬਲਜਿੰਦਰ ਸਿੰਘ ਪੁੱਤਰ ਮਹਿੰਦਰ ਸਿੰਘ ਨਾਲ ਪਿੰਡ ਦੇ ਸਕੂਲ ਗਰਾਉਂਡ ਵਿਖੇ ਖੇਡ ਰਿਹਾ ਸੀ ਤਾ ਉਸ ਦੇ ਦੋਸਤ ਅਭੈ ਰਾਏ ਸਿੰਘ ਨੇ ਸੰਦੀਪ ਨੂੰ ਫੋਨ ਕਰਕੇ ਕਿਹਾ ਕੇ ਉਹ ਆਪਣੇ ਸਕੂਲ ਵਾਲੀ ਗਰਾਉਂਡ ਆ ਜਾਵੇ ਤਾ ਜੋ ਉਹ ਓਥੈ ਰੱਲ ਕੇ ਖੇਡਣਗੇ ।
ਮੁੱਦਈ (ਸੰਦੀਪ ਸਿੰਘ )ਦੇ ਦਸਣ ਮੁਤਾਬਿਕ ਓਥੈ 40 ਤੋਂ 44 ਲੜਕੇ ਆਏ ਜਿਨ੍ਹਾਂ ਦੇ ਹੱਥਾਂ ਚ ਪਹਿਲਾ ਤੋਂ ਹੀ ਕਾਪੇ ,ਤਲਵਾਰਾਂ, ਮੋਟਰਸਾਇਕਲ ਦੀ ਗਰਾਰੀਆਂ ਹੱਥਾਂ ਵਿਚ ਫੜਿਆ ਹੋਇਆ ਸਨ ।ਜਿਨਾਂ ਨੇ ਰਲ ਕੇ ਉਸ ਉਪਰ ਹਮਲਾ ਕਰ ਦਿੱਤਾ ਅਤੇ ਸੱਟਾ ਵੀ ਮਾਰੀਆ ।ਜਿਸ ਨਾਲ ਸੰਦੀਪ ਬੁਰੀ ਤਰ੍ਹਾਂ ਨਾਲ ਜਖਮੀ ਹੋ ਗਿਆ ਅਤੇ ਉਸ ਤੋਂ ਬਾਅਦ ਸੰਦੀਪ ਨੂੰ ਅੰਮ੍ਰਿਤਸਰ ਦੇ ਨਿਜ਼ੀ ਹਸਪਤਾਲ ਵਿਖੇ ਦਾਖਿਲ ਕਰਵਾਇਆ ਗਿਆ ਜਿਥੇ ਉਹ ਜ਼ੇਰੇ ਇਲਾਜ਼ ਹੈ ।
ਮਮਦੋਟ ਥਾਣਾ ਪੁਲਿਸ ਨੇ ਕਾਰਵਾਈ ਕਰਦਿਆਂ 8 ਵਿਅਕਤੀਆਂ ਦੇ ਨਾਂ ਤੇ ਅਤੇ 35 /36 ਨਾਮਾਲੂਮ ਵਿਅਕਤੀਆਂ ਦੇ ਨਾਂਮ ਤੇ ਆਈ ਪੀ ਸੀ ਦਿਆਂ ਅਲੱਗ ਅਲੱਗ ਧਾਰਵਾਂ ਤਹਿਤ ਮੁਕਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ