ਮਾਤਾ ਚਿੰਤਪੁਰਨੀ ਤੋਂ ਆ ਰਹੀ ਬੱਸ ‘ਤੇ ਹਮਲਾ, ਯਾਤਰੀ ਡਰੇ

ਮਾਤਾ ਚਿੰਤਪੁਰਨੀ ਤੋਂ ਆ ਰਹੀ ਬੱਸ 'ਤੇ ਹਮਲਾ, ਯਾਤਰੀ ਡਰੇ

ਫਿਰੋਜ਼ਪੁਰ ੦3 ਫਰਵਰੀ 2024 (ਅਨੁਜ ਕੱਕੜ)

ਮਾਤਾ ਚਿੰਤਪੁਰਨੀ ਤੋਂ ਫਾਜ਼ਿਲਕਾ ਆ ਰਹੀ ਇਕ ਸਰਕਾਰੀ ਬੱਸ ‘ਤੇ ਹਮਲਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਘਟਨਾ ਤੋਂ ਬਾਅਦ ਯਾਤਰੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ।ਜਾਣਕਾਰੀ ਅਨੁਸਾਰ ਜਲਾਲਾਬਾਦ ਦੇ ਟਿਵਾਣਾ ਚੌਕ ਵਿੱਚ ਟ੍ਰੈਫਿਕ ਜਾਮ ਹੋ ਗਿਆ ਸੀ। ਇਸੇ ਦੌਰਾਨ ਪਿੱਛੇ ਤੋਂ ਆ ਰਹੀ ਬੱਸ ਦੇ ਅੱਗੇ ਅਚਾਨਕ ਮੋਟਰਸਾਈਕਲ ਆ ਗਿਆ, ਜੋ ਸੜਕ ‘ਤੇ ਪਏ ਪਾਣੀ ਕਾਰਨ ਤਿਲਕ ਗਿਆ। ਮੋਟਰਸਾਈਕਲ ਸਵਾਰਾਂ ਨੇ ਬੱਸ ਡਰਾਈਵਰ ’ਤੇ ਗਲਤੀ ਹੋਣ ਦਾ ਦੋਸ਼ ਲਾਇਆ ਅਤੇ ਮੌਕੇ ’ਤੇ ਕਰੀਬ 20 ਲੋਕਾਂ ਨੇ ਇਕੱਠੇ ਹੋ ਕੇ ਬੱਸ ’ਤੇ ਹਮਲਾ ਕਰ ਦਿੱਤਾ।ਬੱਸ ਦੀ ਭੰਨਤੋੜ ਕਰਦੇ ਸਮੇਂ ਡਰਾਈਵਰ ਅਤੇ ਕੰਡਕਟਰ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਗਈ। ਫਿਲਹਾਲ ਪੁਲਸ ਨੇ ਮੌਕੇ ‘ਤੇ ਪਹੁੰਚ ਕੇ ਕੁਝ ਲੋਕਾਂ ਨੂੰ ਹਿਰਾਸਤ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।