ਵਿਦੇਸ਼ ਭੇਜਣ ਦੇ ਨਾਮ ਤੇ 26 ਲੱਖ ਦੀ ਮਾਰੀ ਠੱਗੀ , 2 ਨਾਮਜ਼ਦ
ਵਿਦੇਸ਼ ਭੇਜਣ ਦੇ ਨਾਮ ਤੇ 26 ਲੱਖ ਦੀ ਮਾਰੀ ਠੱਗੀ , 2 ਨਾਮਜ਼ਦ
ਜ਼ੀਰਾ / ਫਿਰੋਜ਼ਪੁਰ, 23 ਫਰਵਰੀ, 2024 (ਅਨੁਜ ਕੱਕੜ ਟੀਨੂੰ )
ਵਿਦੇਸ਼ ਜਾਣ ਦੇ ਆਪਣੇ ਸੁਫ਼ਨੇ ਨੂੰ ਸਾਕਾਰ ਕਰਨ ਲਈ ਲੋਗ ਪਾਈ ਪਾਈ ਜੋੜ ਕੇ ਪੈਸਾ ਇਕੱਠਾ ਕਰਦੇ ਹਨ ਅਤੇ ਕਈ ਜਾਅਲੀ ਆ ਅਣਅਧਿਕਾਰਤ ਟਰੈਵਲ ਏਜੇਂਟਾਂ ਦੇ ਵੱਸ ਪੈ ਜਾਂਦੇ ਹਨ । ਜਿਨ੍ਹਾਂ ਨੂੰ ਇਥੋਂ ਤਕ ਵੀ ਪਤਾ ਨਹੀਂ ਹੁੰਦਾ ਕਿ ਬਾਹਰ ਭੇਜਣ ਲਈ ਕਿ ਡਾਕੂਮੈਂਟਸ ਚਾਹੀਦੇ ਹਨ ਜਾਂ ਕਿ ਯੋਗਤਾ ਹੋਣੀ ਚਾਹੀਦੀ ਹੈ ਅਤੇ ਜਾਂ ਫਿਰ ਫਾਈਲ ਕਿੱਦਾਂ ਲਗਾਈ ਦੀ ਹੈ । ਜਿਸ ਕਰਕੇ ਕਈ ਵਿਦੇਸ਼ ਜਾਣ ਦੇ ਚਾਹਵਾਨ ਆਪਣੇ ਪੈਸੇ ਫਸਾ ਯਾਂ ਗਵਾ ਲੈਂਦੇ ਹਨ ।ਅਜਿਹਾ ਹੀ ਇਕ ਵਾਕਿਆ ਜੀਰਾ ਦੇ ਰਹਿਣ ਵਾਲੇ ਕੁਲਵਿੰਦਰ ਸਿੰਘ ਅਤੇ ਉਸਦੇ ਮਾਮੇ ਦੇ ਲੜਕੇ ਮੰਗਜੀਤ ਸਿੰਘ ਨਾਲ ਹੋਇਆ ਹੈ ।
ਕੁਲਵਿੰਦਰ ਸਿੰਘ ਵਲੋਂ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਕਿਹਾ ਕੇ ਉਹ ਬਸਤੀ ਮਾਛੀਆਂ ਜੀਰਾ ਦਾ ਰਹਿਣ ਵਾਲਾ ਹੈ । ਅਤੇ ਉਹ ਅਤੇ ਉਸਦੇ ਮਾਮੇ ਦੇ ਲੜਕੇ ਮੰਗਜੀਤ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਰੋਡੇ ਜੱਲੇ ਵਾਲਾ ਨੂੰ ਗੁਰਪ੍ਰੀਤ ਸਿੰਘ ਪੁੱਤਰ ਸੰਗਤ ਸਿੰਘ ਅਤੇ ਸ਼ਰਨਜੀਤ ਕੌਰ ਪੁੱਤਰੀ ਸੰਗਤ ਸਿੰਘ ਵਾਸੀ ਨੈਨੋ ਨੰਗਲ ਦੀਨਾਨਗਰ ਗੁਰਦਾਸਪੁਰ ਨੇ ਓਹਨਾ ਨੂੰ ਅਮਰੀਕਾ ਜਾਣ ਦਾ ਝਾਂਸਾ ਦੇ ਕੇ ਓਹਨਾ ਪਾਸੋ 13 /13 ਲੱਖ ਰੁਪਏ ਠੱਗ ਲਾਏ ਹਨ । ਓਹਨਾ ਦਸਿਆ ਕਿ ਨਾ ਤਾ ਓਹਨਾ ਨੂੰ ਬਾਹਰ ਭੇਜਿਆ ਗਿਆ ਅਤੇ ਨਾ ਹੀ ਓਹਨਾ ਦੇ ਪੈਸੇ ਵਾਪਿਸ ਮੋੜੇ ਗਏ । ਜਿਸ ਤੋਂ ਬਾਦ ਓਹਨਾ ਆਪਣੀ ਦਰਖ਼ਾਸਤ ਜ਼ੀਰਾ ਥਾਣਾ ਵਿਖੇ ਦਰਜ ਕਰਵਾਈ।
ਪੜਤਾਲ ਕਰਨ ਤੋਂ ਬਾਅਦ ਥਾਣਾ ਸਿਟੀ ਜ਼ੀਰਾ ਨੇ ਉਕਤ ਆਰੋਪੀਆਂ ਖਿਲਾਫ ਆਈ ਪੀ ਸੀ ਦੀ 420 ਅਤੇ 120 – ਬੀ ਅਤੇ 13 ਪੰਜਾਬ ਪ੍ਰਵੇਸ਼ਨ ਮਾਨਵ ਤਸਕਰੀ ਐਕਟ ਦੇ ਤਹਿਤ ਮੁਕਦਮਾ ਦਰਜ ਕਰ ਲਿੱਤਾ ਹੈ ਅਤੇ ਅਗਲੇਰੀ ਕਾਰਵਾਈ ਜਾਰੀ ਹੈ ।
