ਫਿਰੋਜ਼ਪੁਰ ਚ ਨਸ਼ੇ ਦੀ ਓਵਰਡੋਜ਼ ਕਰਕੇ ਨੌਜਵਾਨ ਦੀ ਹੋਈ ਮੌਤ,

ਫਿਰੋਜ਼ਪੁਰ ਚ ਨਸ਼ੇ ਦੀ ਓਵਰਡੋਜ਼ ਕਰਕੇ ਨੌਜਵਾਨ ਦੀ ਹੋਈ ਮੌਤ,

ਫਿਰੋਜ਼ਪੁਰ, 12 ਮਾਰਚ, 2024 (ਅਨੁਜ ਕੱਕੜ ਟੀਨੂੰ)

ਫਿਰੋਪੁਰ ਚ ਨਸ਼ੇ ਨੇ ਇਕ ਹੋਰ ਘਰ ਦਾ ਚਿਰਾਗ ਬੂਜਾ ਦਿੱਤਾ ਹੈ।ਜੇ ਕਰ ਗੱਲ ਕਰੀਏ ਤਾਂ ਪੰਜਾਬ ਚ ਨਸ਼ਾ ਦੀਨੋ ਦਿਨ ਘਟਣ ਦੀ ਬਜਾਏ ਵੱਧ ਰਿਹਾ ਹੈ ਅਤੇ ਇਸ ਦੀ ਓਵਰਡੋਜ਼ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਚ ਵੀ ਵਾਧਾ ਹੋ ਰਿਹਾ ਹੈ। ਬਿਊਰੋ ਆਫ ਇਨਵੈਸਟੀਗੇਸ਼ਨ (BOI) ਨੇ 1 ਅਪ੍ਰੈਲ, 2020 ਤੋਂ 31 ਮਾਰਚ, 2023 ਤੱਕ ਨਸ਼ੇ ਦੀ ਓਵਰਡੋਜ਼ ਕਾਰਨ ਮਰਨ ਵਾਲੇ ਲੋਕਾਂ ਦੀਆਂ ਫੀਲਡ ਯੂਨਿਟਾਂ ਤੋਂ ਡਾਟਾ ਇਕੱਠਾ ਕਰਕੇ ਗਿਣਤੀ ਬੀਤੇ ਸਾਲ 2023 ਦੀ ਅਜੇ ਤਕ ਦੀ 266 ਦੱਸੀ ਹੈ ।

ਫ਼ਿਰੋਜ਼ਪੁਰ ‘ਚ ਵੱਧ ਰਹੇ ਨਸ਼ੇ ਦੀ ਹਨੇਰੀ ਨੇ ਇਕ ਹੋਰ ਮਾਂ ਦਾ ਨੌਜਵਾਨ ਪੁੱਤ ਆਪਣੀ ਲਪੇਟ ਚ ਲੈ ਲਿਆ ।ਸਿਵਲ ਹਸਪਤਾਲ ਵਿਖੇ ਰੋਂਦੇ ਕੁਰਲਾਉਂਦੇ ਮਾਪਿਆਂ ਦਾ ਜਵਾਨ ਪੁੱਤ ਅੱਜ ਨਸ਼ੇ ਕਰਕੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਿਆ । ਪਹਿਲਾ ਵੀ ਇਹਨਾਂ ਦੇ ਇਕ ਵੱਡੇ ਲੜਕੇ ਦੀ ਮੌਤ ਹੋ ਚੁਕੀ ਸੀ ਅਤੇ ਇਹ ਇੱਕਲਾ ਮਾਪਿਆਂ ਦਾ ਸਹਾਰਾ ਸੀ । ਕ੍ਰਾਈਮ ਰਿਪੋਰਟ ਦੇ ਮੁਤਾਬਿਕ ਬਾਗ਼ ਸਿੰਘ ਪੁੱਤਰ ਕਰਨੈਲ ਸਿੰਘ ਵਾਸੀ ਗੋਲਬਾਗ ਨੇ ਦਸਿਆ ਕਿ ਉਸਦਾ ਲੜਕਾ ਗੋਰਾ ਜਿਸਦੀ ਉਮਰ 19 ਸਾਲ ਹੈ।ਨਸ਼ੇ ਕਰਨ ਦਾ ਆਦਿ ਸੀ,ਜਿਸਨੂੰ ਪਹਿਲਾ ਵੀ ਨਸ਼ਾ ਛੜਾਉ ਕੇਂਦਰ ਚ ਦਾਖਿਲ ਕਰਵਾਇਆ ਸੀ ।10 ਮਾਰਚ ਨੂੰ ਸੁਭਾ ਉਸਦਾ ਦੋਸਤ ਗੱਬਰ ਪੁੱਤਰ ਕਿਸ਼ਨ ਸਿੰਘ ਗੋਰਾ ਨੂੰ ਚੋਕ ਵਿੱਚੋ ਆਪਣੀ ਸਕੁਟੀ ਤੇ ਬਿਠਾ ਕੇ ਪਤਾ ਨਹੀਂ ਕਿਥੇ ਲੈ ਗਿਆ ਸੀ । ਜਿਸ ਨੂੰ ਗੱਬਰ ਅਤੇ ਉਸਦਾ ਦੋਸਤ ਚਾਂਦ ਪੁੱਤਰ ਪੱਪੂ ਸ਼ਰਾਬ ਪਿਆਉਣ ਤੋਂ ਬਾਅਦ ਕੋਈ ਹੋਰ ਨਸ਼ਾ ਕਰ ਦਿੱਤਾ ਸੀ ।ਜਿਸ ਨਾਲ ਉਸਦੀ ਹਾਲਤ ਖਰਾਬ ਹੋ ਗਈ ਸੀ । ਜਿਸ ਕਰਕੇ ਗੋਰੇ ਨੂੰ ਸਿਵਲ ਹਸਪਤਾਲ ਵਿਖੇ ਇਲਾਜ਼ ਲਈ ਦਾਖਿਲ ਕਰਾਣ ਲਈ ਲਿਜਾਂਦਾ ਗਿਆ ਤਾਂ ਡਾਕਟਰਾਂ ਨੇ ਗੋਰੇ ਨੂੰ ਮ੍ਰਿਤਕ ਕਰਾਰ ਦਿੱਤਾ ।

ਜਿਸ ਉਪਰੰਤ ਪੁਲਿਸ ਨੇ ਬਾਗ਼ ਸਿੰਘ ਵਲੋਂ ਦਿੱਤੇ ਬਿਆਨ ਮੁਤਾਬਿਕ ਗੱਬਰ ਪੁੱਤਰ ਕਿਸ਼ਨ ਅਤੇ ਚਾਂਦ ਪੁੱਤਰ ਪੱਪੂ ਦੇ ਖਿਲਾਫ ਆਈ ਪੀ ਸੀ ਦੀਆਂ ਧਾਰਵਾਂ ਤਹਿਤ ਮੁਕਦਮ ਦਰਜ ਕਰ ਲਿੱਤਾ ਗਿਆ ਹੈ ।