ਇੰਟਰਨੈਸ਼ਨਲ ਡਰੱਗ ਦਿਵਸ ਦੇ ਮੌਕੇ ਫਿਰੋਜ਼ਪੁਰ ਪੁਲਿਸ ਵਲੋਂ ਕਰੋੜਾਂ ਦਾ ਨਸ਼ਾ ਕੀਤਾ ਤਲਫ
- 113 Views
- kakkar.news
- June 26, 2024
- Crime Punjab
ਇੰਟਰਨੈਸ਼ਨਲ ਡਰੱਗ ਦਿਵਸ ਦੇ ਮੌਕੇ ਫਿਰੋਜ਼ਪੁਰ ਪੁਲਿਸ ਵਲੋਂ ਕਰੋੜਾਂ ਦਾ ਨਸ਼ਾ ਕੀਤਾ ਤਲਫ
ਫਿਰੋਜ਼ਪੁਰ 26 ਜੂਨ 2024 (ਅਨੁਜ ਕੱਕੜ ਟੀਨੂੰ)
ਨਸ਼ਿਆਂ ਖਿਲਾਫ ਕਾਰਵਾਈ ਕਰਦੇ ਹੋਏ ਅੱਜ ਇੰਟਰਨੈਸ਼ਨਲ ਡਰੱਗ ਦਿਵਸ ਤੇ ਸ੍ਰੀ ਅਜੇ ਮਲੂਜਾ, ਆਈ.ਪੀ.ਐੱਸ. ਮਾਨਯੋਗ ਡਿਪਟੀ ਇੰਸਪੈਕਟਰ ਜਨਰਲ ਪੁਲਿਸ, ਫਿਰੋਜਪੁਰ ਰੇਂਜ, ਫਿਰੋਜਪੁਰ ਜੀ ਦੀ ਰਹਿਨੁਮਾਈ ਹੇਠ ਹਾਈ ਲੈਵਲ ਡਰੱਗ ਡਿਸਪੋਜਲ ਕਮੇਟੀ ਵੱਲੋਂ 02 ਮੁਕੱਦਮਿਆਂ ਦਾ ਮਾਲ ਮੁਕੱਦਮਾ ਅਤੇ ਜਿਲ੍ਹਾ ਲੈਵਲ ਡਰੱਗ ਡਿਸਪੋਜਲ ਕਮੇਟੀ ਵੱਲੋਂ ਸ੍ਰੀਮਤੀ ਸੌਮਿਆ ਮਿਸ਼ਰਾ, ਆਈ.ਪੀ.ਐੱਸ, ਮਾਨਯੋਗ ਸੀਨੀਅਰ ਕਪਤਾਨ ਪੁਲਿਸ, ਫਿਰੋਜਪੁਰ ਦੀ ਅਗਵਾਈ ਹੇਠ ਸ੍ਰੀ ਰਣਧੀਰ ਕੁਮਾਰ, ਆਈ.ਪੀ.ਐੱਸ, ਕਪਤਾਨ ਪੁਲਿਸ (ਇੰਨਵ:) ਫਿਰੋਜਪੁਰ, ਸ਼੍ਰੀ ਬਲਕਾਰ ਸਿੰਘ, ਪੀ.ਪੀ.ਐੱਸ. ਉਪ ਕਪਤਾਨ ਪੁਲਿਸ (ਡੀ), ਫਿਰੋਜਪੁਰ ਦੀ ਹਾਜਰੀ ਵਿੱਚ ਮਿਤੀ 26-06-2024 ਨੂੰ ਐਨ.ਡੀ.ਪੀ.ਐਸ. ਐਕਟ ਦੇ 72 ਮੁਕੱਦਮਿਆ ਦਾ ਮਾਲ ਮੁਕੱਦਮਾ ਨਿਯਮਾਂ ਅਨੁਸਾਰ ਤਲਫ ਕਰਵਾਇਆ ਗਿਆ।
ਰਣਧੀਰ ਕੁਮਾਰ ਐਸ ਪੀ ਫਿਰੋਜ਼ਪੁਰ ਨੇ ਮੀਡਿਆ ਨੂੰ ਜਾਣਕਾਰੀ ਦੇਂਦਿਆਂ ਕਿਹਾ ਕਿ ਇਹ ਨਸ਼ਾ ਪੁਲਿਸ ਵਲੋਂ ਅਲੱਗ ਅਲੱਗ 72 ਕੇਸਾਂ ਵਿਚ ਫੜਿਆ ਗਿਆ ਸੀ , ਜਿਸ ਵਿਚ ਜਿਲਾ ਲੈਵਲ ਡਰੱਗ ਕਮੇਟੀ ਵਲੋਂ ਅੱਜ ਤਕਰੀਬਨ 26 ਕਿਲੋ 500 ਗ੍ਰਾਮ ਡੋਡਾ ਪੋਸਤ, 17 ਕਿਲੋ 127 ਗ੍ਰਾਮ ਹੈਰੋਇਨ , 2220 ਗੋਲੀਆਂ , ਨਸ਼ੀਲਾ ਪਾਊਡਰ 246 ਗ੍ਰਾਮ , 900 ਗ੍ਰਾਮ ਗਾਂਜਾ ਅਤੇ 14 ਕਿਲੋ 500 ਗ੍ਰਾਮ ਬੁੱਟੇ ਹਰੇ ਨੂੰ ਐੱਨ ਡੀ ਪੀ ਸੀ ਐਕਟ ਦੇ ਨਿਯਮਾਂ ਤਹਿਤ ਡਰੱਗ ਡਿਸਪੋਜ਼ੇਬਲ ਕਮੇਟੀ ਵਲੋਂ ਨਸ਼ਟ ਕਰ ਦਿੱਤਾ ਗਿਆ ਹੈ । ਰਣਧੀਰ ਕੁਮਾਰ ਨੇ ਇਹ ਵੀ ਦਸਿਆ ਕਿ ਸਟੇਟ ਲੈਵਲ ਡਰੱਗ ਡਿਸਪੋਜ਼ਲ ਕਮੇਟੀ ਵਲੋਂ ਹੈਵੀ ਰਿਕਵਰੀ ਦੇ 02 ਮੁਕੱਦਮਿਆ ਦਾ ਮਾਲ ਜਿਸ ਵਿਚ 13 ਕਿਲੋ 890 ਗ੍ਰਾਮ ਹੈਰੋਇਨ ਨੂੰ ਵੀ ਅੱਜ ਐਨ.ਡੀ.ਪੀ.ਐਸ. ਐਕਟ ਮੁਕੱਦਮਾ ਨਿਯਮਾਂ ਅਨੁਸਾਰ ਤਲਫ (ਨਸ਼ਟ )ਕਰ ਦਿੱਤਾ ਗਿਆ ਹੈ ।
ਓਹਨਾ ਇਹ ਵੀ ਦਸਿਆ ਕਿ ਸਾਲ 2023 ਦੌਰਾਨੇ ਕੁੱਲ 1173 ਮੁਕਦਮਿਆਂ ਚ 3194 ਕਿਲੋ 600 ਗ੍ਰਾਮ ਡੋਡਾ ਪੋਸਤ , 168 ਕਿਲੋ 226 ਗ੍ਰਾਮ ਹੈਰੋਇਨ, 6 ਕਿਲੋ 570 ਗ੍ਰਾਮ ਸਮੈਕ, 665079 ਗੋਲੀਆਂ ,68960 ਕੈਪਸੂਲ , 11 ਕਿਲੋ 487 ਗ੍ਰਾਮ ਨਸ਼ੀਲਾ ਪਾਊਡਰ , 2 ਕਿਲੋ 899 ਗ੍ਰਾਮ ਗਾਂਜਾ , 8803 ਟੀਕੇ , ਸਿਰਪ 103 , ਭੰਗ 580 ਕਿਲੋ 900 ਗ੍ਰਾਮ , ਅਫੀਮ 190 ਕਿਲੋ 922 ਗ੍ਰਾਮ , ਚਰਸ 430 ਗ੍ਰਾਮ ਅਤੇ ਹਰੇ ਬੁੱਟੇ 1040 ਨੂੰ ਐਨ.ਡੀ.ਪੀ.ਐਸ. ਐਕਟ ਦੇ ਤਹਿਤ ਡਰੱਗ ਡਿਸਪੋਜ਼ਲ ਕਮੇਟੀ ਵਲੋਂ ਤਲਫ (ਨਸ਼ਟ )ਕੀਤਾ ਗਿਆ ਸੀ ।
ਇਸ ਸਾਲ ਫਿਰੋਜ਼ਪੁਰ ਪੁਲਿਸ ਵਲੋਂ 1 -1 – 2024 ਤੋਂ 25 -6 -2024 ਤਕ 168 ਮੁਕਦਮਿਆਂ ਚ 75 ਕਿਲੋ 50 ਗ੍ਰਾਮ ਡੋਡਾ ਪੋਸਤ , 23 ਕਿਲੋ ਹੈਰੋਇਨ ,5740 ਗੋਲੀਆਂ , 595 ਨਸ਼ੀਲਾ ਪਾਊਡਰ ਨੂੰ ਅੱਜ 26 – 6 -2024 ਨੂੰ ਐਨ.ਡੀ.ਪੀ.ਐਸ. ਐਕਟ ਦੇ ਤਹਿਤ ਡਰੱਗ ਡਿਸਪੋਜ਼ਲ ਕਮੇਟੀ ਵਲੋਂ ਤਲਫ (ਨਸ਼ਟ )ਕੀਤਾ ਗਿਆ ਹੈ ।
ਰਣਧੀਰ ਕੁਮਾਰ, ਆਈ.ਪੀ.ਐੱਸ, ਨੇ ਇਹ ਵੀ ਦਸਿਆ ਕਿ ਫਿਰੋਜ਼ਪੁਰ ਪੁਲਿਸ ਵਲੋਂ ਮਿਤੀ 1 – 1 – 2024 ਤੋਂ 25 – 6 -2024 ਦੌਰਾਨ 26 ਮਾਮਲਿਆਂ ਚ ਫੜੀ ਗਈ 35 ਕਿਲੋ 260 ਗ੍ਰਾਮ ਅਫੀਮ ਐਨ.ਡੀ.ਪੀ.ਐਸ. ਐਕਟ ਦੇ ਤਹਿਤ ਨੀਮਚ, ਮੱਧ ਪ੍ਰਦੇਸ਼ ਵਿਖੇ ਜਮ੍ਹਾ ਕਾਰਵਾਈ ਗਈ ਹੈ ।