ਫਿਰੋਜ਼ਪੁਰ ਪੁਲਿਸ ਨੇ ਚੋਰੀ ਦੇ 16 ਮੋਟਰਸਾਇਕਲ ਅਤੇ 9 ਮੋਬਾਇਲ ਦੇ ਨਾਲ 2 ਆਰੋਪੀਆਂ ਨੂੰ ਕੀਤਾ ਗਿਰਫ਼ਤਾਰ
ਫਿਰੋਜ਼ਪੁਰ ਪੁਲਿਸ ਨੇ ਚੋਰੀ ਦੇ 16 ਮੋਟਰਸਾਇਕਲ ਅਤੇ 9 ਮੋਬਾਇਲ ਦੇ ਨਾਲ 2 ਆਰੋਪੀਆਂ ਨੂੰ ਕੀਤਾ ਗਿਰਫ਼ਤਾਰ
ਫਿਰੋਜ਼ਪੁਰ 28 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ )
ਫਿਰੋਜ਼ਪੁਰ ਪੁਲਿਸ ਨੇ ਗੁਪਤ ਸੂਚਨਾ ਦੇ ਅਧਾਰ ਤੇ ਛਾਪੇਮਾਰੀ ਕਰ 2 ਆਰੋਪੀਆਂ ਨੂੰ ਚੋਰੀ ਦੇ 16 ਮੋਟਰਸਾਇਕਲ ਅਤੇ 9 ਮੋਬਾਇਲ ਸਮੇਤ ਗਿਰਫ਼ਤਾਰ ਕੀਤਾ ਹੈ ।ਜਾਂਚ ਅਧਿਕਾਰੀ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਅਤੇ ਓਹਨਾ ਦੀ ਪੁਲਿਸ ਟੀਮ ਸ਼ੱਕੀ ਪੁਰਸ਼ਾਂ ਦੀ ਚੈਕਿੰਗ ਦੇ ਸੰਬੰਧ ਵਿੱਚ ਆਰਮੀ ਪੁੱਲ ਦੇ ਕੋਲ ਮੌਜੂਦ ਸੀ ਤਾਂ ਓਹਨਾ ਨੂੰ ਇਤੇਲਾਹ ਮਿਲੀ ਕਿ ਅਕਾਸ਼ ਪੁੱਤਰ ਬਸੰਤ ਵਾਸੀ ਬਸਤੀ ਸ਼ੇਖਾ ਵਾਲੀ ਫਿਰੋਜ਼ਪੁਰ ਸਿਟੀ ਅਤੇ ਰੋਹਿਤ ਉਰਫ ਮੰਨੀ ਪੁੱਤਰ ਰੂਪਾ ਵਾਸੀ ਇੰਦਿਰਾ ਕਲੋਨੀ
ਖਾਈ ਫ਼ੇਮੀ ਕੀ ਥਾਣਾ ਸਦਰ ਫਿਰੋਜ਼ਪੁਰ ਜੋ ਕੇ ਰਾਹਗੀਰਾਂ ਨੂੰ ਝਪਟ ਮਾਰ ਕੇ ਓਹਨਾ ਪਾਸੋਂ ਮੋਬਾਈਲ ਫੋਨ ਖੋਂਹਦੇ ਹਨ ਅਤੇ ਮੋਟਰਸਾਇਕਲ ਚੋਰੀ ਕਰਕੇ ਅੱਗੇ ਵੇਚਦੇ ਹਨ ।
ਮਿਲੀ ਸੂਚਨਾ ਦੇ ਅਧਾਰ ਤੇ ਉਕਤ ਵਿਅਕਤੀਆਂ ਨੂੰ ਕਾਬੂ ਕੀਤਾ ਗਿਆ ਅਤੇ ਕਾਬੂ ਕੀਤੇ ਵਿਅਕਤੀਆਂ ਨਾਲ ਜਦ ਥੋੜੀ ਸਖਤੀ ਨਾਲ ਪੁੱਛ ਗਿੱਛ ਕੀਤੀ ਗਈ ਤਾਂ ਓਹਨਾ ਪਾਸੋਂ ਚੋਰੀ ਦੇ 16 ਮੋਟਰਸਾਇਕਲ ਅਤੇ 9 ਮੋਬਾਇਲ ਬਰਾਮਦ ਕੀਤੇ ਗਏ । ਤਫਤੀਸ਼ ਅਫਸਰ ਨੇ ਦੱਸਿਆ ਕੀ ਪੁਲਿਸ ਨੇ ਫੜੇ ਮੋਟਰਸਾਇਕਲ ਅਤੇ ਮੋਬਾਈਲ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਉਕਤ ਆਰੋਪੀਆਂ ਖਿਲਾਫ 303(2),304(2),317 (2) ਬੀ ਐਨ ਐਸ ਦੀਆ ਅਲੱਗ ਅਲੱਗ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ ।
