ਫਿਰੋਜ਼ਪੁਰ ਪੁਲਿਸ ਨੂੰ ਵੱਡੀ ਸਫਲਤਾ: 4 ਆਰੋਪੀ ਮਾਰੂ ਹਥਿਆਰਾਂ ਸਮੇਤ ਗਿਰਫਤਾਰ
ਫਿਰੋਜ਼ਪੁਰ ਪੁਲਿਸ ਨੂੰ ਵੱਡੀ ਸਫਲਤਾ: 4 ਆਰੋਪੀ ਮਾਰੂ ਹਥਿਆਰਾਂ ਸਮੇਤ ਗਿਰਫਤਾਰ
ਫਿਰੋਜ਼ਪੁਰ 29 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ )
ਐਸ ਐਸ ਪੀ ਫਿਰੋਜ਼ਪੁਰ ਵਲੋਂ ਫਿਰੋਜ਼ਪੁਰ ਚ ਵੱਧ ਰਹੀਆਂ ਲੁੱਟਾ ਖੋਹਾਂ ਅਤੇ ਸਨੈਚਿੰਗ ਦੇ ਮਾਮਲਿਆਂ ਨੂੰ ਸਖਤੀ ਨਾਲ ਨਜਿੱਠਣ ਲਈ ਅਲਗ ਅਲਗ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ। ਜਿਸ ਵਿਚ ਐਸ ਪੀ ਡੀ ਰਣਧੀਰ ਕੁਮਾਰ ਜੀ ਦੇ ਸਖਤ ਨਿਰਦੇਸ਼ਾ ਹੇਠ DSP D ਬਲਕਾਰ ਸਿੰਘ ਅਤੇ CIA ਇੰਚਾਰਜ ਮੋਹਿਤ ਧਵਨ ਦੀਆ ਟੀਮਾਂ ਨੂੰ ਅੱਜ ਇਕ ਵੱਡੀ ਸਫਲਤਾ ਪ੍ਰਾਪਤ ਹੋਈ ਹੈ । ਜਿਸ ਵਿਚ 4 ਆਰੋਪੀਆਂ ਨੂੰ ਅਸਲੇ ਸਮੇਤ ਕਾੱਬੂ ਕੀਤਾ ਗਿਆ ਹੈ ।
ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਐਸ ਪੀ ਡੀ ਰਣਧੀਰ ਕੁਮਾਰ ਨੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਸ਼ਹਿਰ ਚ ਵੱਧ ਰਹੇ ਕ੍ਰਾਈਮ ਨੂੰ ਠੱਲ ਪਾਉਣ ਲਈ ਪੁਲਿਸ ਵੱਲੋ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ । ਜਿਸ ਦੇ ਤਹਿਤ ਅੱਜ DSP D ਅਤੇ CIA ਸਟਾਫ ਪੁਲਿਸ ਵਲੋਂ 04 ਆਰੋਪੀਆਂ ਨੂੰ ਮਾਰੂ ਹਥਿਆਰਾਂ ਸਮੇਤ ਗਿਰਫ਼ਤਾਰ ਕੀਤਾ ਹੈ ।
ਆਰੋਪੀਆਂ ਕੋਲੋਂ ਨਾਜਾਇਜ਼ ਹਥਿਆਰ ਜਿਵੇਂ 2 ਪਿਸਤੌਲ 32 ਬੋਰ ਅਤੇ ਇਕ ਵਦੇਸ਼ੀ ਪਿਸਤੌਲ ਪਿਟੇਰੋ ਬਰੇਟਾ ਮੈਡ ਇਨ ਇਟਲੀ 9mm ਅਤੇ ਜਿੰਦਾ ਕਾਰਤੂਸ ਸਮੇਤ ਕਿਰਚ ਵੀ ਬਰਾਮਦ ਹੋਈ ਹੈ । ਸ਼੍ਰੀ ਰਣਧੀਰ ਕੁਮਾਰ ਜੀ ਦੇ ਦੱਸਣ ਮੁਤਾਬਿਕ ਫੜੇ ਗਏ ਆਰੋਪੀਆਂ ਤੇ ਪਹਿਲਾ ਵੀ ਕਈ ਮਾਮਲੇ ਦਰਜ ਹਨ । ਜਿਨਾਂ ਦੇ ਨਾਮ ਸੁਖਪ੍ਰੀਤ ਸਿੰਘ ਬਸਤੀ ਮਾਛੀਆਂ ਵਾਲਾ , ਇਕਬਾਲ ਸੱਤੂ ਵਾਲਾ ਜ਼ੀਰਾ ,ਮੇਵਾ ਸਿੰਘ ਮੱਖੂ ਰੋਡ ਜ਼ੀਰਾ ਅਤੇ ਲਵਪ੍ਰੀਤ ਵਾਸੀ ਕਿਸ਼ਨ ਦੀ ਹੱਟੀ ਮਾਛੀਆਂ ਵਾਲਾ ਹਨ ।ਇਹਨਾਂ ਤੇ ਤਲਵੰਡੀ ਭਾਈ ਅਤੇ ਮੱਖੂ ਥਾਣੇ ਚ ਵੀ ਪਹਿਲਾ ਤੋਂ ਮਾਮਲੇ ਦਰਜ ਹਨ । ਇਹਨਾਂ ਚੋ ਸੁਖਪ੍ਰੀਤ ਤੇ ਪਹਿਲਾ ਵੀ NDPS ਐਕਟ ਅਤੇ ਲੁੱਟ ਅਤੇ 307 ਸਮੇਤ 6 ਮਾਮਲੇ ਦਰਜ ਹਨ। ਇਕਬਾਲ ਸਿੰਘ ਤੇ NDPS ਅਤੇ 307 ਦੇ ਪਹਿਲਾ ਵੀ ਦੋ ਮੁਕਦਮੇ ਦਰਜ ਹਨ ।
ਐਸ ਪੀ ਡੀ ਨੇ ਇਹ ਵੀ ਦੱਸਿਆ ਕਿ ਆਰੋਪੀਆਂ ਨੂੰ ਪੁਲਿਸ ਰਿਮਾਂਡ ਤੇ ਲਿੱਤਾ ਗਿਆ ਹੈ ਅਤੇ ਪੁਲਿਸ ਤਫਤੀਸ਼ ਚ ਲੱਗੀ ਹੈ ਕਿ ਇਹ ਵੇਪਨ ਕਿਥੋਂ ਲੈ ਕੇ ਆਏ ਹਨ ਅਤੇ ਕਿਸ ਜਗ੍ਹਾ ਤੇ ਇਸਦਾ ਇਸਤਮਾਲ ਕੀਤਾ ਜਾਣਾ ਸੀ ਜਾ ਇਹ ਕਿਸ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਫ਼ਿਰਾਕ ਚ ਸਨ ।ਓਹਨਾ ਇਹ ਵੀ ਦੱਸਿਆ ਕਿ ਪੁਲਿਸ ਵੱਲੋ ਇਹ ਵੀ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਇਹਨਾ ਪਿੱਛੇ ਕੋਈ ਗੈਂਗ ਜਾ ਫਿਰ ਕਿਸੇ ਮਾਸਟਰਮਾਇੰਡ ਦਾ ਹੱਥ ਤਾ ਨਹੀਂ ।
