-ਫਿਰੋਜ਼ਪੁਰ ਪੁਲਿਸ ਵਲੋਂ ਮ੍ਰਿਤਕ ਵਿਅਕਤੀ ਤੇ ਦਰਜ ਹੋਈ FIR ।
-ਫਿਰੋਜ਼ਪੁਰ ਪੁਲਿਸ ਵਲੋਂ ਮ੍ਰਿਤਕ ਵਿਅਕਤੀ ਤੇ ਦਰਜ ਹੋਈ FIR ।
-ਫਿਰੋ਼ਪੁਰ ਪੁਲਿਸ ਨੂੰ ਸ਼ਿਕਾਇਤ ਤੇ ਤਫਸ਼ੀਸ਼ ਕਰਨ ਨੂੰ ਲੱਗੇ 4 ਸਾਲ, ਪਰਚਾ ਫਿਰ ਵੀ ਮ੍ਰਿਤਕ ਡਾਕਟਰ ਤੇ।
ਫਿਰੋਜ਼ਪੁਰ, 8 ਮਾਰਚ, 2024 (ਅਨੁਜ ਕੱਕੜ ਟੀਨੂੰ)
ਤਕਰੀਬਨ ਢੇਡ ਸਾਲ ਪਹਿਲਾਂ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ ਪਰ ਹੁਣ ਪੁਲਿਸ ਨੇ ਉਸਦੇ ਖਿਲਾਫ ਐਫ.ਆਈ.ਆਰ. ਦਰਜ ਕੀਤੀ ਹੈ , ਇਹ ਮਾਮਲਾ ਥੋੜ੍ਹਾ ਹੈਰਾਨੀਜਨਕ ਹੈ। ਆਮ ਤੌਰ ‘ਤੇ ਐਫਆਈਆਰ ਕਿਸੇ ਜੀਵਤ ਵਿਅਕਤੀ ਦੇ ਨਾਮ ‘ਤੇ ਹੀ ਦਰਜ ਕੀਤੀ ਜਾਂਦੀ ਹੈ।
ਜਦੋਂ ਇਹ ਖਬਰ ਲੋਕਾਂ ਤੱਕ ਪਹੁੰਚੀ ਤਾਂ ਬਹੁਤ ਸਾਰੇ ਲੋਕ ਇਹ ਸੁਣ ਕੇ ਹੈਰਾਨ ਰਹਿ ਗਏ ਕਿ ਮ੍ਰਿਤਕ ਦੇ ਖਿਲਾਫ ਮਾਮਲਾ ਦਰਜ ਕਰਨ ਦਾ ਕੀ ਮਤਲਬ ਹੈ? ਇਹ ਮਾਮਲਾ ਫਿਰਜੋਪੁਰ ਦਾ ਹੈ। ਇੱਥੇ ਥਾਣਾ ਸਿਟੀ ਫਿਰੋਜ਼ਪੁਰ ਵਲੋਂ ਪੁਲਿਸ ਨੇ ਮ੍ਰਿਤਕ ਡਾਕਟਰ ਸੁਨੀਰ ਠੱਕਰ ਅਤੇ ਉਸਦੇ ਹਸਪਤਾਲ ਵਿਖੇ ਕੰਮ ਕਰਦੀ ਇਕ ਸਟਾਫ ਨਰਸ ਦੇ ਖਿਲਾਫ ਧਾਰਾ 326 ਦਾ ਮਾਮਲਾ ਦਰਜ ਕੀਤਾ ਹੈ।
ਮਿਤੀ 8 ਮਾਰਚ 2024 ਦੀ ਕ੍ਰਾਈਮ ਰਿਪੋਰਟ ਵਿਚ FIR ਨੰਬਰ 109 /07 .03 .2024 ਦ ਤਹਿਤ ਇਕ ਮੁਕਦਮਾ ਦਰਜ ਕਿੱਤਾ ਗਿਆ ਹੈ ਜਿਸ ਵਿਚ ਬਲਵਿੰਦਰ ਸਿੰਘ ਪੁੱਤਰ ਤਾਰਾ ਸਿੰਘ ਵਾਸੀ ਬਸਤੀ ਚਾਹਲ ਵਾਰਡ ਨੰਬਰ 12 ਮੱਲਾਂਵਾਲਾ ਵਲੋਂ ਮਿਤੀ 27/01/2020 ਨੂੰ ਦਰਖ਼ਾਸਤ ਨੰਬਰ 184 ਚ ਸ਼ਿਕਾਇਤ ਕਰਤਾ(ਬਲਵਿੰਦਰ ਸਿੰਘ ) ਦੀ ਪਤਨੀ ਪਰਮਜੀਤ ਕੌਰ ਮਿਤੀ 15/01/2020 ਨੂੰ ਇਲਾਜ਼ ਲਈ ਠੱਕਰ ਹਸਪਤਾਲ ਵਿਖੇ ਦਾਖ਼ਿਲ ਕਰਵਾਇਆ ਗਿਆ ਸੀ ।ਜਿਥੇ ਡਾਕਟਰ ਸੁਨੀਰ ਦੇ ਕਹਿਣ ਤੇ ਸਟਾਫ ਨਰਸ ਟੀਨਾ ਵਲੋਂ ਪਰਮਜੀਤ ਨੂੰ ਸਟੀਮਰ ਦੁਆਰਾ ਭਾਫ ਦੇਣ ਕਰਕੇ ਪਰਮਜੀਤ ਕੌਰ ਦਾ ਸਾਰਾ ਮੂੰਹ ਸੜ ਗਿਆ ਸੀ ਅਤੇ ਸ੍ਕਿਨ ਤੋਂ ਚਮੜੀ ਉਤਰ ਚੁੱਕੀ ਸੀ ।ਜਿਸ ਨੂੰ ਬਾਅਦ ਚੋ ਠੱਕਰ ਹਸਪਤਾਲ ਤੋਂ ਮੈਡੀਸਿਟੀ ਮੋਗਾ ਵਿਖੇ ਦਾਖ਼ਿਲ ਕਰਵਾ ਕੇ ਇਲਾਜ਼ ਕਰਵਾਇਆ ਤੇ ਕਰੀਬ 10 ਦਿਨ ਹਸਪਤਾਲ ਵਿਚ ਰਹਿਣ ਤੋਂ ਬਾਅਦ ਛੁੱਟੀ ਮਿਲੀ ।ਸ਼ਿਕਾਇਤ ਕਰਤਾ ਨੇ ਦੋਸ਼ ਲਾਉਂਦੀਆਂ ਕਿਹਾ ਕਿ ਡਾਕਟਰ ਸੁਨੀਰ ਠੱਕਰ ਅਤੇ ਉਸਦੀ ਸਟਾਫ ਦੀ ਲਾਪਰਵਾਹੀ ਕਰਕੇ ਹੀ ਉਸਦੀ ਪਤਨੀ ਦਾ ਚੇਹਰਾ ਖਰਾਬ ਹੋਇਆ ਹੈ।
ਬੜੀ ਹੈਰਾਨੀ ਵਾਲੀ ਗੱਲ ਹੈ ਕਿ ਪੁਲਿਸ ਨੂੰ ਇਸ ਮਾਮਲੇ ਨੂੰ ਹੱਲ ਕਰਨ ਲਈ ਅੱਜ 4 ਸਾਲ ਲੱਗ ਗਏ ਤੇ ਜੇਕਰ ਬਾਕੀ ਕੇਸਾਂ ਦੀ ਗੱਲ ਕਰੀਏ ਤਾ ਕਿੰਨਾ ਸਮਾਂ ਓਹਨਾ ਨੂੰ ਦੂਸਰਿਆਂ ਕੇਸਾਂ ਚ ਲਗੇਗਾ ।
